اخبار عاجلة
الرئيسية » بالفديو » “بالفديو”القصيدة التي شاهدها الملايين لـ باسم الكربلائي “صليت”

“بالفديو”القصيدة التي شاهدها الملايين لـ باسم الكربلائي “صليت”

شبكة عراق الخير :

لأول مره قصيدة حسينية تحث زوار ابي عبد الله الحسين “ع” على حسن الاخلاق والالتزام بمهج

الامام الحسين واهل بيته “عليهم السلام”.

هذه القصيدة هي برنامج واضح للزائرين .. فيها فكر تربوي وتشريعي هادف

الحقيقة : اروع ماادى الحاج باسم الكربلائي

قصيدة [ صليت ]
أداء: الحاج باسم الكربلائي
كلمات: الشاعر ناظم الحاشي
التوزيع : ميشال فاضل
الهندسة الصوتية : EDOUARD MEUNIER

مَشاي على وعدك
صليت لو بعدك
لحسين شنو ردك أجِب

گاعد على احسين ابدمع زكيّها العيون
لاتنظر بنظرة بشر بالغير مفتون
لو أذن آذان أعتني ويه اليصلون
عنك حسيني ملتزم خلهم يگولون
آداب تدريها
وصاك , علي بيها
خليك على عهدك , أجِب

مَشاي على وعدك
صليت لو بعدك
لحسين شنو ردك أجِب

حسين يريدك من تزوره يشوف بوجهك مصيبه
تجري دموعك لأجل الجثة الظلت بالطف سليبه
عوف الغيبه سامح وأعفي ونفسك عنك رقيبه
سفره لربك هاي السفره مو بس گاصد حبيبه
تحتاط , من كُل شي
وياك نبي يمشي
لحسين مو وحدك , أجِب

مَشاي على وعدك
صليت لو بعدك
لحسين شنو ردك أجِب

أنظر عليهن للمشن خواتك
وأمك وياهن بالمشي وبناتك
والزهره تمشي وتندعي لنجاتك
زينب عليه تصيحلك جزاتك
لحسين خطواتك
غفران زلاتك
إن كان هو قصدك , أجِب

مَشاي على وعدك
صليت لو بعدك
لحسين شنو ردك أجِب

بالمروى تمشي والصفى بين الإمامين
بالكعبة طايف لو طفت عباس وحسين
حتى الهوى أحرم يحج يم أعظم أثنين
لو زعلتهم ياترى غفرانك منين
لا تعوف قرآنك
وتطيع شيطانك
ويضيع كل مَجدك , أجِب

مَشاي على وعدك
صليت لو بعدك
لحسين شنو ردك أجِب

كل خطواتك خطوه بخطوه حسين يردلك فضلها
من تمشيله يرد يمشيلك يوم المحشر مثلها
حسين الصوره المايرسمها دمعه يضيع شكلها
قربان الطف واسماعيله وبيته الجامع شملها
لحسين دمعاتك
ترتيل آياتك
لوماي على خدك , أجِب

مَشاي على وعدك
صليت لو بعدك
لحسين شنو ردك أجِب

يالتمشي لجل حسين أخذ صفاته
رغم الحرب بس ماترك صلاته
اخذ الحياتك عبره من حياته
أنسى الهوى ولاتنسه ذكرياته
من مات من أجلك
مفروض يوصلك
شنو راد من عندك , أجِب

مَشاي على وعدك
صليت لو بعدك
لحسين شنو ردك أجِب

اترك رد

%d مدونون معجبون بهذه: