-
قصيدة عاجل كتبت قبل الانتخابات الاخيرة
عاجل
على ظهر الجمال انشالن الذهبات
والعاگول ماغيره اليغذيهه
اربعطعش عام واحنه محتارين
كل اصواتنه من الگلب ننطيهه
ماشفنه فرق ولا عدلتو الحال
يادوره التجي خاب الامل بيهه
من ذاك الوكت ليهسّه محرومين
كل الناس منكم عظّت ايديهه
مايخلى الوطن معروف بالخبرات
والعلّام كلهه البلد حاويهه
بس ياوسفه ماخادمهم الاعلام
ماكو احزاب تسندهم تواليهه
هل مره اذا ننتخب عدنه شروط
لازم كل مرشح يلتزم بيهه
يتعهد امام الشعب بالتنفيذ
بعد الفوز باكملهه يلبيهه
اولهه الصناعه ويرجع الانتاج
مختص بالبلد من خير اهاليهه
تشغيل المصانع بالعراقيين
والبطاله كلهه الدولة تنهيهه
مصانعنه ومعاملنه ترد اردود
كل الشركات ادعمهه واحييهه
توزيع الاراضي للشعب تمليك
وياها قروض وحتى يبنيهه
تتحسن احوال الكهربا والماي
وترجّع الحصة بشكل ماضيهه
كل مستشفى رسمي ينشمل باعمار
احسن من الاهلي بدقّة سويهه
كل الاجهزه الطبيه عل اطلاق
تتوفر وبالمجان خليهه
بيهه الادوية من احسن الانتاج
كل محتاج من المرضى تنطيهه
خلّي ابّالك المسؤل خادم دوم
لافراد الشعب حاجاته يقضيهه
على كل حال يرجع ذاك وكت الخير
شوفو شلون چان الدولة ماضيهه
گبل الطاغية عشنه ترف واحوال
عصر الذهبي و چانت نسميهه
ليش الماضي احسن ياهو يعقل هاي
فكرو بالبلد خل نتعب اعليهه
چلمه وارد اطلعهه من الاعماق
ربي اللعنة عل ظلام وديهه
ربي هواي حلمك طال عل ظلّام
عدنه ذنوب بس رحمتك تمحيهه
اسماعيل القريشي
٢٢/٤/٢٠١٨
لمشاهدة القصيدة باليوتيوب اضغط هنا
معلومات الموضوع
الأعضاء الذين يشاهدون هذا الموضوع
الذين يشاهدون الموضوع الآن: 1 (0 من الأعضاء و 1 زائر)
المواضيع المتشابهه
-
بواسطة الكربلائي في المنتدى منتدى اخر مواضيع شبكة عراق الخير
مشاركات: 0
آخر مشاركة: 01-03-2016, 08:21 PM
-
بواسطة بسمة شوق في المنتدى منتدى الفن والفنانين
مشاركات: 0
آخر مشاركة: 05-26-2014, 02:30 PM
-
بواسطة همسة سكون في المنتدى منتدى اخر مواضيع شبكة عراق الخير
مشاركات: 0
آخر مشاركة: 11-07-2013, 07:31 AM
-
بواسطة قمردزاين في المنتدى منتدى تصاميم عراق الخير
مشاركات: 0
آخر مشاركة: 06-13-2013, 12:13 PM
-
بواسطة شبكة عراق الخير والمحبة في المنتدى منتدى اخر مواضيع شبكة عراق الخير
مشاركات: 0
آخر مشاركة: 04-29-2013, 04:51 PM
الكلمات الدلالية لهذا الموضوع
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
جميع آلمشآركآت آلمكتوبه تعبّر عن وجهة نظر صآحبهآ ,, ولا تعبّر بأي شكل من الاشكال عن وجهة نظر إدآرة آلمنتدى
المفضلات