ارسلّچ من الروح اجمل اغاني
وياها حب وشوگ واحلى الاماني

ورد العجب بشفاچ تكتل خدودچ
والبسمه بيهه الروح تسحر عيونچ

روحي بغيابك دوم مگدر اكضهه
بس شوفتك يهواي تسعد نضرهه

كل الگلوب تعيش وي عشگ الاحباب
والگلبه ما عشگان خي دفنه بتراب

وردة وتطش ورود محلى عطرهه
شميته وانه بعيد دوم بذكرهه

وردة وجنان الخلد مشهوره بيهه
خلّت الحور العين تصفگ بديهه

عفة وجمال اخلاق طيبة ومحنة
بيضة وهدوم السود دوخت فكرنه

حبّينه الاسود حيل لمن لبسته
والگمر لو ما الليل ما گعد بخته

ارسلّچ من الروح اجمل تهاني
وياها حب وشوگ واحلى الاغاني

للمحب ارسل دوم من گلبي مرسال
طبق الاصل مختوم مو لعبة عيال

غيم ومطر وشمال وبقصر عل شط
هيچ انه من الگاك عل فرگة اشخط

ياورد جوري وياس وبعطرك الهيل
لگليبي حن يهواي خل يرجع الحيل

كل الورد بالكون ما يوفي حگچ
يل بالگلب ذكراچ موت انه احبچ

حلوه وجمال البيچ باليني بلوه
يسوه العشگ وياچ والحمزه يسوه

شفتيني ويّه شفاچ كون ايتحاچن
ويعبرن عل شوگ لبگلبي ساكن

حبچ يبعد الروح ما اگدر انساه
انحفر بالدلال بعروگي ممشاه

اسماعيل القريشي
‏‫