شبكة عراق الخير
النتائج 1 إلى 1 من 1

الموضوع: زهرة الرمان

Share/Bookmark

مشاهدة المواضيع

المشاركة السابقة المشاركة السابقة   المشاركة التالية المشاركة التالية
  1. #1

    047 زهرة الرمان

    زهرة الرمان بالشعبي
    ينعش گلبي شوف عيونچ الشّهلات
    واسكر بيهن ومن نظرتچ اسعد
    يسحرني جمالچ جوهر البنيان
    فرحان وبديّه الردته والازوَد
    باجواء الخدود ايذوبن البوسات
    وشفافچ عليها شفافي تتصيَّد
    ماهمني العقل يرفضها بالطگاگ
    خلي گليبي بسوادينه يتعربَد
    مو عيشه اذا مابيها حب هيهات
    وگلوب الي مابيها عشگ ترمَد
    وحبيبي سند يصدگ وفى واخلاص
    ونبض گليبي من نبضاته يتورَّد
    روحي مشتِّتَه ولمَّت بگايا الروح
    واسمچ يالحبيبة بروحي يتجسَّد
    صدگيني العمر گبلج فلا محسوب
    كلها احزان وما بيها فرح ينعَد
    يا نسمة فجر بالعنبر وبالهيل
    ياوجه الگمر ياغيمه من ترعد
    بغيابچ أمِل وبجيتچ آمال
    فرحه وغيث وبسمة اعلى الوجه تنشَد
    وتمر بالحشا وتنعش جميع اعضاي
    ما ارافگ ابد كل حيره واتنكَّد
    وبشوگي نقش كل الجمال البيچ
    وعيوني بشعاع الشمس تتمدَّد
    يفتنها حسن وجناتچ الشگرات
    وبليل الشعر تنتعش تتوسَّد
    نغمتها نهاوند وصبا وبيات ١
    على عود ووتر من نوع( المبرمَد)٢
    وبألواح (سيسم)٣ من صنع (منصور)٤
    وبريشة المبدع( سامي)٥ تتردَّد
    تتمايل غنج شو چنها غصن البان
    وكليبي يتراگص ينزل ويصعَد
    رگصتها سحر ذبت عمل وفنون
    تتراجف لحم حرگتلي سابع جَد
    وبرقة زلال يشيب منها الغيث
    هذا الينزل من الغيم الملبَّد
    عمري ماشفت عجبه وعجب وعجاب
    باذهاني خيال الحسن يتمجَّد
    چن الباري خالق كل عسل بالكون
    من حلگ الحبيبه العلَي ما ينسَد
    من خدها سگت كل وردة بالجنَّات
    وتسعد كل حزين من القهر مُجهَد
    بالمنطق خبيرة عشگ كلها احساس
    وطب لكل جرح بالدنيا متسرمَد
    كل واحد يحب يتعب ويلگه الضيم
    بس وياها ينذل ضيمي يتبربَد
    اشوفن روحي طير ومثلي ماموجود
    بس المثلي عاشگ نفس هالمشهد
    والعاشگ مثلها زهرة الرمان
    خل يبشر سعادة گلبه تتخلّد
    چن فاگدها لكمه بحلگ المجانين
    والرافگها يغنم عايش بسؤدَد

    __________________________________________________________________________
    الهوامش
    ١- نهاوند وصبا وبيات : من اجمل المقامات الموسيقية بأنغامها
    ٢- المبَرمَد: نوع من اجود الاوتار بالعالم
    ٣- السيسم من اجود الالواح يصنع منه اله العود
    ٤- منصور : من اكبر صانعي العود في الشرق الاوسط ومقره في قضاء الزبير في البصرة
    ٥- سامي: هو الاستاذ سامي النسيم Sami Naseem اول من درسني اساسيات العزف على العود في بداية الثمانينات وهو الان مدير دار العود العراقي وورشة صناعة الالات الموسيقية

    _________ _________________________________________________________________



    يوتيوب الضغط هنا
    اسماعيل القريشي


    التعديل الأخير تم بواسطة اسماعيل القريشي ; 04-03-2021 الساعة 06:14 AM

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. زهرة البنفسج او زهرة التواضع
    بواسطة هيا في المنتدى منتدى المواضيع العامة
    مشاركات: 4
    آخر مشاركة: 03-11-2018, 06:36 AM
  2. زهرة الجلنار (زهرة الرمان)
    بواسطة ثريا في المنتدى منتدى الزراعة والثروة الحيوانية
    مشاركات: 2
    آخر مشاركة: 03-07-2016, 07:13 PM
  3. عصير الرمان
    بواسطة غلا الروح في المنتدى منتدى الطب والصحة
    مشاركات: 0
    آخر مشاركة: 10-30-2015, 08:11 PM
  4. الرمان والتخلص من الكرش
    بواسطة ثريا في المنتدى منتدى الطب والصحة
    مشاركات: 1
    آخر مشاركة: 02-25-2015, 11:21 AM
  5. فساتين سهرة من لبنان جنااااان - فساتين سهرة 2014 تجنن يابنات
    بواسطة احمد العميري في المنتدى منتدى التجميل والازياء والاكسسوارات
    مشاركات: 1
    آخر مشاركة: 11-01-2014, 09:14 AM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
RSS RSS 2.0 XML MAP HTML

جميع آلمشآركآت آلمكتوبه تعبّر عن وجهة نظر صآحبهآ ,, ولا تعبّر بأي شكل من الاشكال عن وجهة نظر إدآرة آلمنتدى