قصيدة للشيخ منديل نواف مهدات الى كاظم المسعودي do.php?img=10436

بسم الله الرحمن الرحيم


اللي لنا بديارهم ذكرياتي
سلام منّي للرجال المناعير


شرواك يارمز الوفا والثّباتي
اللي لهم في داخل القلب تأثير


بالهيل دايم دومها إمبهراتي
أهل المضايف والدّلال المباهير

مثل البْكار اللي إيتشادن خواتي
بيضٍ غرانيقٍ هِدفٍ مغاتير

مثل المنادي لو دعى للصلاتي
ونجرٍ عليه محضبات المعاشير


يكفخ كما جنحان لمقرنساتي
ولو جوا ربعي يفرح القلب وإيطير


أحلى من السّكر جليسة إحضاتي
نفرح بجمعتهم اليا جوا مساير


أدموع عيني لين غرقت عباتي
ياما وياما لجلهم جن محادير

ساعة تروح شويّة النوب تاتي
واسهروأنا همومي بصدري جماهير

يامصعبه نسيانها في حياتي
ويدور في راسي شخاص وتصاوير


وأنا اتجادل بين ذاتي وذاتي
وتلوج في صدري عواصف واعاصير

وريحٍ هبوبه شتّت الفكر عاتي
مابين آهاتي وبين التّفاكير


كنّه تكسّر فوق راسي صُفاتي
وتحشّدت عبرات صدري طوابير


وغرقت في دجله وشواطي الفراتي
وضاع الكلام وضاع منّي التّعابير


وتقبل وتقفي حسرتي وانهتاتي
عبرات ورّادٍ ومثله مصادير


أصيح وانخى لين يبست لهاتي
ودويت من عالي المشاريف في بير


فرقا إتبكّي لعنتره والزّناتي
يامصعب الفرقا على سالم الزّير


شبّت بقلبي قبل أكمّل وصاتي
الله من نارٍ سوات الدّوافير


ذكرى اتجمّلني تليق برفاتي
ياكاظم إكتب من قريحك بساطير


بنظم الجواهر ياعريب الصّفاتي
حيثك فهيم(ن) يازعيم المشاهير



الشاعر الشيخ منديل النواف المغامس
شيخ عشيرة الزكاريط - العراق
2011-05-18