لم ترغب فى أن تتذكر تفاصيل ما كان يدور فى الماضى بل قررت أن تخوض المعركة التى فرضتها الحياة عليها بكل شجاعة وتحدى، لم تنتظر رجل على حصان أبيض يأتى لها من العدم ينقذ أطفالها من الضياع بل قررت أن تكون هى رب الأسرة وبدأت مشوار الألف ميل بماكينة خياطة.

تحكى نجلاء: "أنا أم لطفلين فى مراحل تعليمية مختلفة.. بعد الطلاق وجدت نفسى بلا عائل وكان لازم أشتغل عشان أصرف على ولادى من الحلال بعد ما كان أبويا الله يرحمه بيصرف عليه أنا وهما، أنا مكنتش لاقية شغل خالص لحد ما والدى بعت حالتى والظروف لمشروع المليون حلم اللى وصلى وخلانى أقدر أكون رب الأسرة ديه وأصرف على ولادى من مصدر ثابت ومن حلال ومن غير ما اعتمد على راجل.

تستكمل نجلاء، "أنا الحمد لله بعرف أخيط كويس وعشان كده مشروع المليون حلم جابلى ماكينة خياطة وفعلا قدرت أنى أعمل مجهود كتير فى الفترة اللى فاتت لحد ما المشروع نجح وبقى فى زباين بيثقوا فيه وفى شغلى، وبقى ليه زبون وقادرة افتح البيت واصرف على ولادى وأعلمهم وكمان أقدر أعالج ابنى الصغير المريض".



أكثر...