محاوره دارمي بين حبيبين





الفتاة

انه اصبحت للغير ياولفي بعدك
بس الكلب يفلان خليته عندك


الشاب

ادري الكلب وياي بس انتي وينج؟
خافن بعد شهرين تنساني عينج

الفتاة

لاوالله ماانساك والحج والحرام
بعيني غافي تنام عام والف عام


الشاب

كل عقلج تظنين تغفه انه عيني
لمن افكر بيج مدري انه ويني


الفتاة

ادري العشك وياك جزاهه الحدود
اقسم قسم بهواك بالرايه والجود



الشاب

كلبي الربه على هواج تنزف سنينه
البعد كاصي وياه شتجبرينـــــــه


الفتاة

زلة لسان وياك خلتني اندم
مو دمع هل بجفاك وك بحر من دم


الشاب

راح الزمان البيه جنت اسمع اعتاب
كلبي الطلع فزاع بحبج انصاب


الفتاه

مااحجي انه وياك دموعي يحجن
بكثر الغرام الجان عيوني يبجن


الشاب

لغيــــــري لـو زفــــــوج يتبــــدل الـــراي
ونسياني سهل يصير جن شربة الماي

الفتاة

ثق وعتقد بالله ماانسى حبك
ولاخر نفس بالروح امشي على دربك



منقول


ــــــــــــ