ريحانة أحمــــــــد هذا === مسموم إينادي إحسين
كثرت ياخويه إهمومي === يومك أعظم من يومـي
مسموم إينادي إحسين
ــــــــــــــــــــــــــــــ
هذا الحسن چبده إنمرد مولانــه == وإحسين نزلت بالگلب أحزانه
عباس يسأل عن أخوه إو شانــه == زينب تشوف المجتبه إو ولهانه
چبــــده إبسمــّه إتوذر === ماراد الحــرّّه إتشــوف
وإيگـل لحسين إعلومي === يومك أعظم من يومي
مسموم إينادي إحسين
ــــ
يحسين خويه ما أريدن زينـــــــب == تنظر چـَبـِدتي العالمه إو تتعــذب
واني أخاف إعلى العقيله تتعــــب == ناري عليها ما تزول إو تلهب
زينب هاي المظلومـــه === تشبه أمـْْنــَه الزهــراء
زينب زادتها إغيومــي === يومك أعظم من يومي
مسموم إينادي إحسين
ــ
يحسين خويه ما أريد العبـــــــــــاس == يرفع يمينه إبصارمه راعي الباس
لو شاف نعشي ينرمي من هالناس == بسهــام شرهم فاگدين الأحساس
خلــّي العباس اليومـــك === يصبـر راعي الهـدّات
غدروني إو آني إبحومي === يومك أعظم من يومي
مسموم إينادي إحسين
ـــ
بأرض البقيع إحفر يخويه لحدي == أدري يمنعـون الدفن يم جـــدّي
ذوله النواصب شر ركبهم يحــدي == لكن يظل عالي إو يطاول مجدي
وإيزول إبيوم الظالــــــم === من يظهر راعي الثار
أحلم باليقظه إو نومـــي === يومك أعظم من يومي
مسموم إينادي إحسين
ــ
ياشيعتي آني الحسن ذكروني == ريحانـــــــة المختار لاتنسوني
ذوله أميــّه الناصبه ظلمونــــــــــي == هدموا ضريحي إبكل حقد وآذوني
وأتنطــّر راعي الرايـــــه === يبني إصروح الأطهار
وأحلف بيماني إو صومي === يومك أعظم من يومي
مسموم إينادي إحسين
ـــــــــــــــــــــــــ
الشاعر / جابر النجفي


منقول