رثاء ...

[سالي]

رثاء ...

شعر شعبي و ومضات رثاء للشاعر علي رشم

..................


صباح العافيه نزفها على ملكاك
الك جم حسره بيه اترجمت شوك
علي التابوت ابد مالايك عليك
المثلك بس ضحك لشفايفه يلوك




انه امتانيك ترجع تترس البيت
ابد ماحسبت ترجع بتابوت




عرفت شلون احطها الروح بلتابوت
لتعلمني ماخذ ع نجف شمره





يربات الفشگ ما قصرت وفيت
تعنيت المنايه رويحتك خضره،،
ذواق الوطن ضاگ الترافه البيك
زفك من وكت قربان للزهره،،،،




كون يموت كلمن نرغب يموت ...
كون يظل عدل بس النريده ..





شكلك الله يرحمك ليش الورد يحتاج رحمة






تره التابوت ضيك كلش عليك.
اعرفنك سبع متشيلك الكاع.
من يوم شبكتني وانه حسيت.
شميت بقميصك ريحت وداع





بي ريحت محمد من الكماط
يا دفان خل روحك حنينه
لا تحفر كبر احفرلة قطاع
خاف ايضوج جاي من المدينه




علي نعشك قصيدة موش تابوت
علي مامات باقي وموتو حروفة
جان سلاحك قلم بس نكلب بارود
لان شاف الوطن محتاج لچفووفة
چف يكتب شعر ابغيرة واحساس
وچف شال الوطن هيهات ميعوفة



انته اختارك الله تصافح حسين





هايخويه ليش ساكت
عيونك الحلوه غفن
خويه اجيتك من بعيد
بلوعت الملفوف اخيه بنص جفن




عطشتك سالفة حيطان
كون الصده إيهم روحه ،،
ولگيتك بين عيد وعيد
وانه اعيوني مرجوحه ،،
غبش بيك الضوه ابكيفه ،،
تخرب سهرة الناطور
لو سألوه عن طيفه ،،
يعلاوي الهوه ايريدك
تعنيتك صريفة آخ
لگيتك ضحكة امعزب ،،
ومن طفتك ضريح اعزاز
لگيتك حاجه لليندب ،،




مرني ابطيف ونطيني اعله گد ليلي ،،
عرگ دمي ونزيفك هب ..
و برد لوني وضميرك شب ..
دورت اليكهرهك جيل
و رديت ابوجه جناز
ماشايف بشر من ينكره ينحب ..




يارشم هذا ابنك بسوح القتال
شال راية تشيلهه جفوف الزلم
اعذرني عمي ماكتبت اسمك وراه
راح اسمي بطل علاوي الشهم




كون ادري عني تمشي بلاوداع
جان ودعتك غفل سكتاوي
وجان ملك الموت حاجيتة وبجيت
وكتلة أخذ روحي كبل علاوي




ﻫﻨﺎﻙ ﻋﻨﺪﻱ ﻋﻴﻮﻥ ﻇﻠﺖ ﻣﺎ ﺗﻨﺎﻡ
ﺣﺘﻰ ﻳﺒﻘﻰ ﺑﺮﺍﺣﺘﻪ ﻳﻄﻴﺮ ﺍﻟﺤﻤﺎﻡ
ﻫﻨﺎﻙ ﻋﻞ ﺍﻟﺴﺎﺗﺮ ﻋﺸﺖ ﻗﺼﺔ ﻏﺮﺍﻡ
ﺟﻨﺖ ﻋﺎﺷﻖ ﺭﺍﺟﻤﺔ ﻣﻦ الراجمات ..




علاوي صدگ سويتهه شلون
تروح بلا وداع ويانه
احاجيك
احن لرسوم وجهك وانته موجود
الختيلان خلص فزت مبروك
رد لمك واخوتك الله يهديك..




نقص بيت الشعر
من مات علاوي.






ابو فاضل بداعت الكلبك يحبهه
هذه شاعر
اخذه يمك
لخاطر ابياته الحسينيه الكتبه





عبود ذب عگاله من گالو اجيت
وكاظم الكاطع نصب جادر عزاء
ومن سمع طارش خبر علاوي مات
الحلفي فز من الگبر يكتب رثاء



العباس سبع الكنطره ............... وسبع الجرف انته





طاح ركن من القصيدة
وأنهجم بيت الشعر
شاعر بهيئة ترافة
يسكن بلحد الكبر
إني شايف
هواي ماتوا
بس هضيمه يموت شاعر
يعني كل ذوقي انكسر





جرف يشرب زلم.....مايشرب الماي




ليش استعجلت… ؟
مشتاگ لله هواي؟




المثلك ياعلي مايندفن بالگاع.
شگ صدره العراق وطمك ابروحه.




علي يريدك علي روح الله وياك ،،




بعدك شاب انتة شجابك علئ الموت
عزرائيـل چـنة توهـم بعمـرك
يعلاوي اطمئن ليهزك المـوت
ابو الحسنين كاعد هسة ينتظرك.







اليوم جمعه ........وكل جرح متوضي بيه
اليوم دمعه ........وكل رمش يشبك اخيه
اليوم ثار وكل شهيد ايريد ديه.
اليوم ((علاوي)) المنصه. ..
خشبه طكت من ضلعهه ومستهامه.
اليوم كل شاعر عراقي
ناح وبقربه حمامه.






مو بعيني...
ابگلبي شفتك...
شفت الموت يمك ونته يمه...
ابداعت الغالي عليك...
ابداعت الطشر عشگنه...
گله ارجع خل يلمه...؟





الجنة محــد يطب لولا شهادة علي
معلينه بلي نكـــــرذاك شهادة علي
جرف النصر منتصر لولا شهادة علي
شاعر مجاهد ابي وخلاقه من حسين
وكل عام يرثي بشعر وشعر من حسين
يبدي قصيده بكمر يختمها من حسين
راحل علي لحسين بسم شهادة علي






يـمـه اسـتشـهدت حـتـه الامـان ايـعـود
صـيحـي ابـنـي البـطـل مـيـخـاف سـواهه
وصـيـتي اعـلـه الجـنازه رايـد اتـهـوسـيـن
هـاي الرادهه وهـاي التـمـنـاهه





بجينالك دمع بس مثلك من ايموت
لازم مو دمع بارود نبجيله




عمت عين الموت اجة منه وخذاك
دوم عين الموت توكع ع الزلم
چي سبع چي يمتلك شيمة رجال
موتت الغيرة كال الا انتقم
علي موتك موصدك هذا منام
استغفر الله موتك اعتبرة حلم




انتقل الى رحمة الله !!!!!!
ﻻتكتبون انتقل متكفي بي
والله موهينه تكتبون انتقل
المكبره زغيرونه متكفي عليه
كون علاوي يدفنونه بزحل




راح اعلن حداد وراح احد السيف
من يخلص محرم انه اعلمكم....




بجت ليك المنصه وتهمل حروف
تحن حنة الام الفكد ابنهه
فراكك ياعلي خلاهه متشوف
شيرده الراضع بطيبه لبنهه




مثل شعلان اشوفك كلك انجاز
لحد الان صوتك بالسماوات
هنيئا للشهيد استوه مولود
المشه لتراب حيدر لاتظن مات



امه بكل صلاه تدعيله عريس
بخرز سبحتهة تحسب للاجازة.
عدل يرجع تشمة وتمطر دموع
هسه شلون من يرجع جنازة.




تخجل المناية لمن تموت
مامت عايش بكلوب العراقين
قاتلت بشهامة وغيرة يا ضرغام
حطمت بشجاعتك كل القوانين
شايل قلم تحارب بحروف واشعار
و من وصل حدهة شلت السجاجين
استغربو لعداء من شافوك بالميدان
اذا فزعو الشعراء خل نشرد شعدنة باقين




أنهدم ركن القصيده من سمعت أخبارك
ومن عرفت الموت بهذا اليوم مختـارك
ما متعوده عالفرگه
مثلك أبد ما تلگـــه
اليوم القصيده بأبياتها تريد تأخذ ثــارك



هوه اول يوم ميت
وراح اكلكم ليش بعناده ضل وي النفس
كال ﻻ موت وتجي عشره محرم
وخيام عند حسين وبعازت حرس




الخيمه وغيرتك منهن طلع دخان..
طفت هي وحنينك بالسمه السبعه...
يجي ابالك مطر من تلتفت عالغيم...
وعطش زينب بعيد وجودك ايسمعه..



علي من طاح الجرف كله صرخ
شلون توكع وانت حررت الصخر
علي يامضمون اية لكل شريف
احنا ولد حسين مانهاب الخطر
علي من مات بمحرم مو جزاف
ترى متواعد علي وي الكمر
علي راد يصير ناصر للحسين
لذلك مات في جرف الصخر



دوخنه المغيسل ماكو شياب
على الدجة ذهب كلهم يلمعون




يمه استعجلت السفر گلي شجاك
ماگلت اهلي خطيه محد الهم
ما معترضه على حكم الباري ﻻ
بس الناس التسأل شجاؤبهم
ابنج وين راح خاله ما تدرين
سافر يم عمامه استشهد اگلهم
اني فرحانه ﻻن انت شهيد
وهاي ام الؤلد الدافع عن أرضهم
ؤيمه حيرني الزمن وحتاريت بيه
ماكؤ غير المصايب شفت ؤالهم
يمه ليش ترؤح بسرعه هيج
عؤد ردتك ليه من اكبر ذخر
يمه اجؤني اصدقائك من بعيد
وگالؤ خاله علي انطاج العمر



..................




مما راق لي




...................

المصدر: منتديات عراق الخير والمحبة - من قسم: منتدى قرأت لك