عيني الك

سيوف شفايفي من احچي ناس تموت
بس اگبال عينك والله ماسلها

اچذب عيني الك شافتك رحت بعيد
اگل للروح يرجع راح ماگلها

سوالف بالگلب عنك حچولي هواي
سوالف چن خناجر گوه شايلها

عزمتك على جروحي شلون تعزم ناس
هضيمه گبال عينك ناس تاكلها

تتونس بجرحي الناس من فرگاك
جرح بالگلب منك گلي لو ملهى

ماغاسل چفوفي محسب انت تعود
چفوف لساني من طاريك غاسلها

ماتعرف تحب بس تعرف انت تخون
حاش الله المحنه البيك شايلها

انا بجرف النظر زارع وكت ملگاك
وعلى ابواب الهوى هالروح شاتلها

الهوى من يفوت احس صوتك يفوت وياه
وتفز جروح گلبي تعثر بظلها

تحتل روحي نظره عينك من تفوت
وغيرك لو عساكر صعب تحتلها

الشماته بجرحي تاكل من اشوفك جاي
من اشوفك ارضه تاكل بالجرح خلها

بين دموع عينك چنت انوم الروح
من اگعد ترد بس ماترد كلها

گمت اشهك هوى يرد النفس دخان
بغيابك روحي بالچويات كاتلها

منقول