دك الهاتف بنص الليل
دك الهاتف بنص الليل برقة واحساس وحنية
صافن محتار بهل الموقف ما اعرف من دك عليه
ودك النوب وهوه بأيدي ما طول بس دك شويه
باوعت اني الرقم الهاتف رقم مرتب ميه لمية
دكيت اني بسرعة الهاتف مجاوب بس ترفض بيه
وضليت متاني دكتها وتعدت حتى الصبحية
وحاير شكتب رقم الهاتف واحد لو وحده ومنو هيه..؟
وقبل اذان العصر بساعة دك الهاتف مره عليه
الهاتف مشمور ومو بيدي كدامي يرمش عادية بس طول هل المره بدكته وضعي تخربط مدري شبيه
رحت اني على الهاتف امشي وتكول مربط رجليه
لحكت اني باخر دكه جاوبت وما ادري شبيه
كالت دليني منهوو انته انته الدكيت من شوية ..؟
ضغطي تخربط نازل صاعد كأن الكاع ندارت بيه
حبيت اتعرف كلتلها كالت انته شايف بيه .؟
ما تعرف وين اسكن اني بزيونه لو بالسيديه ؟
كتلها اني من الفلوجه وما حاجي اني ويه بنية
كالت نتعاهد بس احنا ونتعامل علسر قفلية
لتحب غيري ولا حب غيرك وممكن نتخابر يوميه
وصرت اني اصرف ست كرتات كل يومين تمر عليه
وست شهور بهاي الحالة وبنومي اتكلب ليليه
كتلها لهناااا لازم نوكف ونتقرب واحد بالمية
كالت عذرا ما محتاجك هواي ارقام دك عليه
وحسيت اني بهاي اللحضة واحد يمكن يعرف بيه
ثاري انوسي لاعب لعبة وكالب صوته بصوت بنيهالمصدر: منتديات عراق الخير والمحبة - من قسم: منتدى المواقف الطريفة والنكات
رد: دك الهاتف بنص الليل
رد: دك الهاتف بنص الليل
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
جميع آلمشآركآت آلمكتوبه تعبّر عن وجهة نظر صآحبهآ ,, ولا تعبّر بأي شكل من الاشكال عن وجهة نظر إدآرة آلمنتدى
رد مع اقتباس
المفضلات