اليريد يقيس خوته ويعرف شبيهه
يقره بخوّة العباس ويكَلّب معانيهه
اطّه جفوف ليهه وعينه مطّيهه

عباس الخوّه ....ومعناهه
_________________

حسين طوفان وبحر ماله جروف
حسين تركع ليه كرامه وتسجد الوجهه السيوف
لجن يوم الشاف جود وعلم وبصفّه جفوف
صاح خويه انكسر ظهري وياهو بجروحي يروف

روحي العباس ,,,, وضي عيني
__________________

انولد عباس كّام وشاورا حيدر
شال جفوفه فوكَ وعله حسين اشّر
كَالاله ونعم ودريبك انته اكبر

بكاروكه .. وتناوش سيفه
__________________

موسه الله اطّاه عصه وسوّه بيهه فنون وكبر معجزه
لاجن اطّه حسين ضيغم اطّه عباس وعله العصّه جزه
طكَهم بعباس والعسكر شطرهم
نصف ماتو خوف منه ونصف تردس والركَاب محززه

معجزة حسين .... بعباسه
________________

وين يصح مثل عبّاس كَلّي او وين يلكَونه
يفج الجيش لو عالماي جم عطشان ينخونه
بلايه جفوف ويحارب بسيفه وعضّه بسنونه

توم الفقّار..... يسمّونه



اصعب يوم عالعباس يوم الكَصدته سكينه
غار وطشّر العدوان عن يسراه ويمينه
مضن ياحيف بيه سهمين
سهم بجوده طاح وثاني اجه بعينه

ظل ينزف .... من جوده وعينه
____________________