.يمرني الليل شايل بيده ذ****
واحن الك حنين الشالته النوگ
واشرب من صورك نخب الوداع
واشمنك عذيبي بصدر مخنوگ
تعال عليك جرحي وشوفني شلون
الك زارع محبه بصفنه الشوگ
تعال وخلي اصير بحضرتك طير
ومن شجره وصالك اخذ علوگ
چثيره حلوگ گالت چنه عافاك
تعال لخاطر الله وسكت الحلوگ
تدريني على دربك زارع الروح
وعلى حايط خيالك جفني مدگوگ
افتوگ ايام حزني تسلم عليك
منو غيرك يجيني يشل الفتوگ
لغيرك ماگلت صدگني مشتاك
والمشتاگ بس لشخصك تلوگ
تعال العين ضلت تطلگ اهات
وخايف ماتجيني ويقوه الطلوگ
الك شجره عشگ زارعها بالبال
وبيها الساگ يسمع صوت العروگ
اتانيك بدمعتي ووحشه البيت
بصفنتي ويه الشعر احساس محروگ
صدى صوتي يفزز حتى الگبور
عجب مو گلب عندك چنه طابوگ
ياصندوگ لم احلام السنين
يامفتاح يرهملك يصندوگ
تعال وياك اخذ ثار الدموع
ومن غيرك عليه تضيع الحگوگ
استوه تمر المحبه وياك بس ليش
ماشفت التمر بس اسمع عثوگ
ياسوگ الموده الحاكر الشوگ
بعت روحي واجيتك اشتري السوگ

م/ن