-
الى الشعب العراقي : عوف النستلة واقصد المدكَوكَه
قصيدة لكاتبها
عوف النستلة واقصد المدكَوكَه
ولا تقترب من بسكت ولا نوكَه
يا شعب اقتصد خلي الحكومة تعيش
كل هذا الوجع مو بالعظم بالريش
ولد الخايبه بين الحشد والجيش
وصفاح إبهات الشعب محروكَه
عوف النستله واقصد المدكَوكَه
أكل خبز وملح وتحمّد الله وكَوم
لا تشرد النعمه وتنكَلب زقوم
لتبذر وتاكل مستكي كل يوم
درد الله وغضبكم هالنزل فوكَه
عوف النستله واقصد المدكَوكَه
الثْلاثين ألف ما تكفي ، تعترضون!!
شكثرهه مباركة وتعادل المليون
الالف بس الألف ، تترس ألف ماعون
وبالخير الذهب عامر يظل سوكَه
عوف النستله واقصد المدكَوكَه
حراميه ولصوص انتم طلعتوا منين
كل أفعالكم يتبرا منها الدين
الفقره محيره وتلطم على الخدين
عليكم للأبد نامت الطابوكَه
عوف النستله واقصد المدكَوكَه
فرغتوا الخزينه وما بقت أموال
كلهه تفرهد وما عدهه بس موّال
"تقشف يا شعب" ، دومك تظل حمّال
إلك خبيز والهم نخل بعثوكَه
عوف النستله وأقصد المدكَوكَه
شما طوّل الليل الفجر بيه مطلاع
يبقى الصوت عالي وبعد عدنه سباع
تنزّل روسهم حد الجدم للكَاع
من تكشف المخفي وتطلع البوكَه
وعوف النستله واقصد المدكَوكَه
معلومات الموضوع
الأعضاء الذين يشاهدون هذا الموضوع
الذين يشاهدون الموضوع الآن: 1 (0 من الأعضاء و 1 زائر)
المواضيع المتشابهه
-
بواسطة عمر الراوي في المنتدى منتدى الرياضة واللياقة البدنية
مشاركات: 1
آخر مشاركة: 09-06-2016, 04:49 PM
-
بواسطة عراقي في المنتدى منتدى اخر مواضيع شبكة عراق الخير
مشاركات: 0
آخر مشاركة: 06-16-2014, 01:11 PM
-
بواسطة عامر العمار في المنتدى منتدى المواضيع العامة
مشاركات: 2
آخر مشاركة: 07-31-2013, 02:57 AM
-
بواسطة عامر العمار في المنتدى منتدى الرأي والرأي الاخر
مشاركات: 1
آخر مشاركة: 12-25-2011, 02:32 AM
-
بواسطة nesreen في المنتدى منتدى المواضيع العامة
مشاركات: 6
آخر مشاركة: 02-13-2011, 11:49 AM
الكلمات الدلالية لهذا الموضوع
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
جميع آلمشآركآت آلمكتوبه تعبّر عن وجهة نظر صآحبهآ ,, ولا تعبّر بأي شكل من الاشكال عن وجهة نظر إدآرة آلمنتدى
المفضلات