الحقيقة أنا أعيش حالة من الأنفصام العاطفي ، فبقدر ما عندي من شعر الغزل والحب ، كذلك عندي من شعر الحزن والمعاناة فليعذرني القارئ الكريم لو أخذته معي الى جانب آخر من معاناتي ، فهكذا هي الحياة لم تكتمل سعادتها لأحد في يوم من الأيام .

مشيت وخليته بعيد عن العين ** بعيد ومسكانه هشاشة اعظامي
وويل عيني من بعيد المقاطين ** توّه صغير ولا وصل للفطامي
تكفين يا بنت الشرف والعريبين ** لا تجرحينه بالزعل والكلامي
وايضا اعتنوا به يالخوال العزيزين ** عن كلمة تجرح عزيز المقامي
اللي على شانه صبرنا لنا اسنين ** نبي العوض في حضرته وانتقامي
ابي اشتكي له من جواب الرديين ** في لحظة فيها زعول ودامي
عساه يخفف البلا وحدة البين ** اللي تنامت في ضلوعي وهامي
وياخذ بحقي من انذال وملاعين ** اللي استخفوا بهيبتي واحترامي
يالله لا ترحم من يسن القوانين ** هم احرموني فرحتي في اغلامي
وهم اللي زادوا في عذابي عذابين ** فرقا الضنين وحسرتي في غرامي


القارظ العنزي بقلمي