شبكة عراق الخير
النتائج 1 إلى 3 من 3

الموضوع: يا كليب شب النار شبه قصيدة و فصة

Share/Bookmark

مشاهدة المواضيع

المشاركة السابقة المشاركة السابقة   المشاركة التالية المشاركة التالية
  1. #1

    تاريخ التسجيل
    Aug 2017
    الدولة
    الموصل
    المشاركات
    243
    معدل تقييم المستوى
    7

    افتراضي يا كليب شب النار شبه قصيدة و قصة

    ياكليب شب النار ياكليب شبه
    عليك شبة والحطب لك يجابـي

    وعلي أنا ياكليب هيله وحبه
    وعليك تقليـط الـدلال العذابـي

    وادغث لها ياكليب من سمر جبه
    وشبه الي منه غفى كل هابـي

    باغي ليا شبيتها ثـم قبـة
    تجلـب لنـا ربعـا سـراة غيابـي

    نسريةً ياكليب صلفا مهبه
    لاهب نسناسه تقل سم دابي

    سراة بليـل وناطحيـن مهبـه
    متكنفيـن وشوقهـم بالعذابـي

    الوالمة ياكليب عجل بصبه
    والرزق عند اللي ينشى السحابـي

    صبة لقرما صرفته ماحسبه
    يوم البخيل مكنهب الوجـة هابـي

    وصبة لمنعورين ليا جاة نبة
    يرخص بعمره والدخل لها ضبابي

    وعدة عن اللي مايداري المسبه
    اللي يدور بالقصيـر الغيابـي

    عن الطيب عده نازلا له بغبه
    يضرب علي درب الخطا مايهابي

    لا باطن الهلباج خطوا الجلبة
    يا حلو خبط عصيهـم بالركابـي

    أطمر لهم وأبدي سلام المحبه
    لا جو على هجناً يديهم خرابـي

    سلام أخلى من شخاليل جبه
    وأحلى من السمن الجديد العرابي

    مع كبشً مصلاح راسه نجبه
    لا أدبـر الهيـن متيـن العلابـي

    خطو الولد يوم الملاقي نكبه
    يأتي علينا من حسـاب الزهابـي

    وحتى يش لو يلبس وبينن وجبه
    معيرة على غضير الشبابـي

    أنا لقيت الصبر يازين غبه
    يرقيك رووس مشمرخات الهضابي

    من لاصبر ياكليب في حكم ربه
    هذاك يوم البعث ماله ثوابـي

    يقولها اللي ما حسب المسبه
    ولا عرقل الاجواد ببعض الهلابي

    هذا هوى بالي وهذا مطبه
    من قبـل مايسفـح علينـا الترابـي



    _-_-_-_-_-_-_-_-_-_-_-_-_-

    سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-

    الوالمه يا كليب عجل بصبه
    والرزق عند اللي نشى السحابي

    يوم جاء تالي ليلة من الليالي قال الامير لبعض اخوياه الخاصين ترانا نبي نسيّر ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرفة وشاف الامير محمد الوجار الا والله النار حيه والوالمه على النار وصب لهم الضلماوي من الوالمة وقام يحمس الثانية وقبه النار .

    قال الامير محمد :- ما تقولي يالضلماوي وش عندك به يوم انك تقوصد يا
    كليب يا كليب . فعرف الضلماوي ان الامير زعلان فقبله وقام ومد يده
    للامير وقاله :-

    مده رهن لولاك ماقلت ياكليب
    ولا قلت شب النار وصر موقدا له

    في ليلة تجدع سواة المشاهيب
    نسرية تلصق خليل لخله

    نطعن بعزك ياحصان الاطاليب
    عسى الله جمع حزمتك ما يفله

    يالجوهر الناريز يالمسك يالطيب
    يا عنبرا من جربه مايمله

    تكفي محاليب وتملى مجاليب
    وكبد تيبسها وكبدا تبله

    ياطير شلوى مالقي بك عذاريب
    لو تستحتي ما تجمع الطيب كله

    يا بو اليتامى والارامل ومن عيب
    وأبوا لمن صار العصى ثالث له

    وابو المحرول والاعمي والمحاديب
    ومن ضامته بعقاء تصير ولدا له

    أن كان هرجي به عليكم عذاريب
    سامح عسى اللي عقبك بألف حله

    مده رهن لولاك ماقلت ياكليب
    ولا قلت شب النار وصر موقدا لـه

    في ليلة تجـدع سـواة المشاهيـب
    نسريـة تلصـق خليـل لخلـه

    نطعن بعزك ياحصان الاطاليب
    عسى الله جمع حزمتـك مـا يفلـه

    يالجوهر الناريز يالمسك يالطيب
    يـا عنبـرا مـن جربـه مايملـه

    تكفـي محاليـب وتملـى مجاليـب
    وكبـد تيبسهـا وكبـدا تبلـه

    ياطير شلوى مالقي بك عذاريب
    لو تستحتي ما تجمع الطيـب كلـه

    يا بو اليتامى والارامل ومن عيب
    وأبوا لمن صار العصى ثالث لـه

    وابو المحرول والاعمي والمحاديب
    ومن ضامته بعقاء تصير ولدا له

    أن كان هرجي به عليكم عذاريب
    سامح عسى اللي عقبك بألف حله


    وعقبة قال الامير محمد العبدالله يالضلماوي قال نعم
    قال والله ماتشريه غير ماشريته مدام انا حي كل مااحتجت تجي يمي وتاخذ حاجتك عقبة قام كل سنة يقيض بالديرة ويقولون بنى بيته بشعيب ابو جرف اللي جنوب عيرف اللي هو الشارع الجنوبي الان لثانوية حائل


    التعديل الأخير تم بواسطة محمد الملا ; 08-20-2017 الساعة 07:39 PM

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. قصيدة ابصم
    بواسطة اسماعيل القريشي في المنتدى منتدى الشعر الفصيح
    مشاركات: 2
    آخر مشاركة: 11-11-2021, 09:46 AM
  2. قصيدة غزل
    بواسطة اسماعيل القريشي في المنتدى منتدى الشعر الشعبي
    مشاركات: 6
    آخر مشاركة: 01-21-2019, 03:46 PM
  3. قصيدة شوق
    بواسطة محمد في المنتدى منتدى الشعر الفصيح
    مشاركات: 1
    آخر مشاركة: 08-20-2017, 07:39 PM
  4. قصيدة حب
    بواسطة شموسه في المنتدى منتدى الخواطر وبحر الاحساس
    مشاركات: 1
    آخر مشاركة: 12-06-2014, 12:10 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
RSS RSS 2.0 XML MAP HTML

جميع آلمشآركآت آلمكتوبه تعبّر عن وجهة نظر صآحبهآ ,, ولا تعبّر بأي شكل من الاشكال عن وجهة نظر إدآرة آلمنتدى