شبكة عراق الخير
النتائج 1 إلى 2 من 2

الموضوع: أهنا يمن چنه أوچنت

Share/Bookmark

مشاهدة المواضيع

المشاركة السابقة المشاركة السابقة   المشاركة التالية المشاركة التالية
  1. #1

    تاريخ التسجيل
    Aug 2017
    الدولة
    الموصل
    المشاركات
    243
    معدل تقييم المستوى
    7

    افتراضي أهنا يمن چنه أوچنت

    هنا يمن چنه أوچنت

    تأليف : الشاعر المرحوم حاج مطشر عبدالنبي المجراوي
    غناها المطرب المرحوم داخل حسن

    أهنا يمن چنه أوچنت جينه اوگفنه أبابك
    ولف الجهل ما ينسي شمالك نسيت أحبابك
    * * *
    أهنا يمن چنه أوچنت روحين لاچن فد جسم
    فرگاك فطر مهجتي أوظليت أمشي بس رسم
    تدري أبنحولي أشوصلت عجزان من شيل الهدم
    يل صوبت چيدي أبسهم ها ها تشد أصوابك
    * * *
    أهنا يمن چنه أوچنت ما تقبل الواشي الوشه
    فرگاك فطر چيدتي وگطع سبابيح الحشه
    ذبيتني أببر الهوه أوليش اگطعت بيه الرشه
    بذات ما عندك وفه يحرم عليه أعتابك
    * * *
    أهنا يمن چنه أوچنت أثنين ما ثالث نحب
    فرگاك مو هين علي يا صاحبي كلش صعب
    ما چنت أظن أبعشرتك يومين عني اوتجتنب
    وانته يما عندك وفه تجفي أتخون أصحابك
    * * *
    أهنا يمن چنه أوچنت ما بيني اوبينك شرط
    وياك لو طاير طرت اوياك لو حطيت أحط
    ذبيتني أبحر الهوى او ظليت بس انتگ وغط
    وخليتني بأخر نفس متگلي شنهي أحسابك
    * * *
    أهنا يمن چنه أوچنت متگلي بلله شحسبت
    من أتركتني بلايا سبب يا ظالمي مني أشفت
    انچان بحت السر ذنب غصبن عليه سولفت
    چا ما لمتني لو عشر ما صاب گلبي صابك
    * * *
    أهنا يمن چنه أوچنت بالگومه والگعده سوه
    أذكر ليالي ألمظت وطعم أنه أبحر التوه
    حكم علي حبك تره و فرني بدواليب الهوه
    الله ما يعظم عليه أمصاب مثل أمصابك
    * * *
    أهنا يمن چنه أوچنت أيمانك اوياي أنسن
    خليت روحي أمعذبه وسلواي بس شرب التتن
    حسبالي تبقه عشرتك وياي لخيوط الچفن
    يا حيف سري بان ألك ما چنت قاري أكتابك
    * * *
    أهنا يمن چنه أوچنت ما ردك الزاد وملح
    وأن كسرت كلبك ونتي تميت اسهر للصبح
    سر حبك أبگلبي أنخفه لاچني مريود أفتضح
    دمعي هتك سري أوظهر لحبابي وأحبابك
    * * *
    أهنا يمن چنه أوچنت لو تسمع آتاني الأجل
    أحضر لعد أجنازتي لو شفت تابوتي أنحمل
    اوشايعني ألحد الگبر وتلگه نعشي لو نزل
    أوبيدك تحطني باللحد اوهيل عليه اترابك
    * * *
    أهنا يمن چنه أوچنت أكتب عله گبري سطر
    هذا قتيل أهل الهوه بيتين من نظم الشعر
    حته اليراني يتعض كل عاشگ البيه يمر
    ويگلي الدرب الهوه مسكين ياهو الجابك


    أهنا يمن چنه أوچنت

    نظمي (محمد الملا)

    محمد الربيعي

    Mohammad Ahmad
    Mosul

    أهنا يمن چنه أوچنت محد نزلها لدارك
    وأنوب زادت محنتي وتاهت علي أخبارك
    ولمن أصيح بخلوتي يسمعني سابع جارك
    والعيد لمن يجي ياهو اليگلي أمبارك
    *****
    أهنا يمن چنه أوچنت خُلان چنّا من الزغر
    ساعات چنا منلتگي نسهر على ضو الكمر
    وتشدنا طول الوكت نغمات ماي النهر
    وسفة على طيبتي مقابل شين أعذارك
    *****
    أهنا يمن چنه أوچنت سافرت عني وأبعدت
    آنه الأحبك من زغر ومن هجرك المر أشربت
    صابر على جمر الغضا لكني توني أعرفت
    خاين وما عندك وفا مالك نسيت أحبابك
    *****
    أهنا يمن چنه أوچنت سولفي يا حادي الضعن

    النوم حسرة علي محروم طيب الوسن
    مية رسالة أرسلت لكن رسالاتي أتمزقن
    بذات والله أطلعت تاليها تنسى أصحابك
    *****
    أهنا يمن چنه أوچنت صبح ومسا أبالي
    ومن فرگتك أتمرضت وأتغيرت أحوالي
    نسيت أيام المضت لا أول ألك ولا تالي
    أيامي كلها أنگضت بعد ما يهمني أعتابك
    *****
    أهنا يمن چنه أوچنت أيامنا الحلوة سوى
    يغرني نوم الضحى من أشم منك شذى
    ونهدك الغض الترف الچنه فص الچمه
    لا تسمع ولا تنشد بعد وأنا الغريب ببابك
    ******
    أهنا يمن چنه أوچنت ببستاننا نشتل ورد
    طيبة سوالفنا سوى لمَّن نروح ونرد
    وبحبنا نستدفي سوى ما يهمنا لسع البرد
    وسفة غدر بينا الزمن وچملها يوم فراگك
    ****
    أهنا يمن چنه أوچنت گاعك روت من گاعي
    وياما أخذتك بالحضن ووسدتك أذراعي
    تنساني يا مألتم وتدعي إنك واعي
    وآنا بهواك منشغف مقلقني طول غيابك
    ****
    أهنا يمن چنه أوچنت ذابت ملامح ديرتنا
    سنين ما نعرف سئم ويا محلا لمتنا
    الله يجازي المتشفي بضياع عشرتنا
    غفلة وهورشنا الزمن والصابني صابك
    *****
    أهنا يمن چنه أوچنت أرسومك تحاچيني
    على جبين الهوى حروفها ترويني
    تاليها بشوگ الغُرب خذلان ترميني
    يا ريتني نسمة هوا تفوح منها أثيابك
    ****


    التعديل الأخير تم بواسطة محمد الملا ; 09-07-2017 الساعة 11:16 AM

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. قبيلة بني مطير تأليف مهنا الدويش المطيري
    بواسطة العصيمي في المنتدى منتدى العشائر والقبائل العراقية
    مشاركات: 1
    آخر مشاركة: 11-22-2014, 11:36 AM
  2. الساده الاشراف ال مهنا الحسيني اهل المهناوية وصدارة البلاد الفراتية في العراق
    بواسطة المهنا الحسيني في المنتدى منتدى السادة والاشراف
    مشاركات: 16
    آخر مشاركة: 08-03-2014, 07:38 PM
  3. حلمى بكر وهانى مهنا يحضران احتفالية مرور 91 عاما على ميلاد الموجى
    بواسطة يارا في المنتدى منتدى الفن والفنانين
    مشاركات: 0
    آخر مشاركة: 03-03-2014, 04:24 PM
  4. إيهاب طلعت لهنا العاصمة: لم أنس مصر 8 سنوات وسأعمل من أجل بلادى
    بواسطة يارا في المنتدى منتدى الفن والفنانين
    مشاركات: 0
    آخر مشاركة: 02-26-2014, 02:50 PM
  5. مع اضافة معلومات مهمة على تاريخ السادة الاشراف ال مهنا الحسيني
    بواسطة المهنا الحسيني في المنتدى منتدى السادة والاشراف
    مشاركات: 1
    آخر مشاركة: 06-29-2013, 07:03 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
RSS RSS 2.0 XML MAP HTML

جميع آلمشآركآت آلمكتوبه تعبّر عن وجهة نظر صآحبهآ ,, ولا تعبّر بأي شكل من الاشكال عن وجهة نظر إدآرة آلمنتدى