قصيدة حب الحسين
علمنه الحسين الامر بالمعروف
وعلمنه بعد ننهي عن المنكر
واحنه مطبقين الحمد للرحمن
وين الماله قيمه علينه يتبختر
او وين الفاسدين النهبو الاموال
او وين المجرمين الكل عملهم شر
وانشوف الجريمه وعنهه ما ننهي
ونشوف الفساد بكل وكت يكبر
والفقره بعد بالبلد معدومين
والخيرات يمنه ويسره تتبعثر
والباگو بلدنه كلهم ايصلّون
وينادون بسمك ياشبل حيدر
واحدهم خبير بسرقة الاموال
ياخذ حصّته وبالتالي هم يطفر
چا وينه اليحبك يا ابو السجاد
او وينه اليگدر من الظلم يتحرر
ضحّيت بحياتك من اجل هل دين
واهلك والاصحاب الاتقياء الغر
وبكل الشجاعه وگفت للعدوان
من اجل الاسلام وكلمته التكبر
وصّلت الرساله بكل فخر مولاي
نشهدلك ونؤمن بالشهادة نقر
بس بينه ضعف بالعمل والتطبيق
ما نگدر انغير بينه نتنطر
٢٣-٩-٢٠١٧
اسماعيل القريشي
لمشاهدة القصيدة اضغط هنا