الفراگ
شرد اگل لروحي من تنشد عليك
وهيه ملك الموت كل همومها

والگلب موجرح بي كومة جروح
ودهري يم شامت رگبتي يسومها

ضيمي كلّه وفرگتك بالخوة توم
فرحن دنياي چنهن تومها


شعره چانت بين وصلك والفراگ
گطّعوها وعقلي جن من يومها

صايم وصومي خراب ويه الهلال
تبقى روحي اعلى الفراگ بصومها

عيني سهرانه ولا تهوى النعاس
بلكي تلگه ويه النجوم علومها

بچى گلبي دموم من يوم الفراگ
والنفس صحبه وي كل غيومها

اكثر الطيبين دنياهم خراب
يكرم الناس وحصاده بلومها

وطلبت من ربي گتله انه دخيل
والدموع تفززت من نومها

يبقى يدعي لساني مايبطل دعاء
بلكت الدنيا تغير هدومها

يبقى طاريكم نفس عايش عليه
والنفس صبرت عليه من يومها

يبقى طعم العسل بلساني لذيذ
من شفايفكم عسى الله يدومها

والعطر اشتمه حتى لو بعيد
مثل قصة يوسف ومفهومها

من چهب يعقوب ريحة القميص
عرف الغاية ودرك معلومها

——————————-
كان لي فراقكم عين الاسى
ولروحي والهاً لقبضها


ولقد سألت ربي داعياً
في معابدٍ زهت بقدسها

وبقلبٍ والهٍ متيمٍ
ودموعاً قد صحت من نومها

لتكن نجواي ما طال الاسى
ليت دنياي تكف جورها

وسأبقى حالما بوصلكم
فهو للروح غدا غذائها

وشهيقي عند ذكراكم كما
لغريقةٍ خلت انفاسها

وشفاهٌ كان منها عسلٌ
لايغيبُ عن شفاهي طعمها

ولحمرة الخدودِ عالمٌ
كجنان الخلد في جمالها

ولعطرٍ يُستمدُّ ريحهُ
من مشارقٍ الى غروبها

كقميص يوسفٍ ردَّ الى
عين يعقوب تمام نورها

ها انا ارجوك ربي فرجاً
ولنفسي ان تنالَ وصلها

اسماعيل القريشي
٣/٢/٢٠١٩

لمشاهدة القصيدة
اضغط هنا