الشيخ منديل النواف المغامس


قصيـــــــــــــدة

ســـــــــــلام منّي للرجال المناعير
اللــي لنا بديارهـــم ذكــــرياتـــي

اللي لهـــم في داخل القلــب تأثير
شــــــرواك يارمــــز الوفــا والثّباتي

أهل المضــــايف والدّلال المـباهير
بالهيـل دايم دومــها إمبهــــــراتي

بيضٍ غــرانيقٍ هِــدفٍ مغـــــــــاتير
مثل البْكار اللي إيتشادن خــواتي

ونجرٍ عليه محضبات المعاشــــــير
مثل المنادي لو دعــى للصلاتـــي

ولو جوا ربعي يفرح القلـــب وإيطير
يكفخ كما جنحـــان لمقرنســــاتي

نفـرح بجمعتهــم اليا جـو مســاير
أحلى من السّكر جليسة إحضاتي

يامـا ويامـا لجلهـم جـن محـــــادير
أدمـــــوع عيني لين غرقت عباتي

واسهر وأنا همومي بصدري جماهير
ساعة تروح شــــــــويّة النوب تاتي

ويدور في راسي شـخاص وتصاوير
يامصعبه نســــــــيانها في حياتي

وتلوج في صدري عواصـف واعاصير
وأنا اتجــادل بيـن ذاتـــي وذاتــــي

مابين آهــاتـي وبيــن التّفـــــــاكير
وريحٍ هبــــــوبه شتّت الفكر عاتي

وتحشّــــدت عبرات صدري طوابير
كنّه تكسّــــر فوق راسي صُفاتي

وضاع الكـــــلام وضاع منّي التّعابير
وغرقت في دجله وشواطي الفراتي

عبـــرات ورّادٍ ومثلـــــــه مصــــــادير
وتقبل وتقفي حســــرتي وانهتاتي

ودويت من عالي المشـــاريف في بير
أصيح وانخـــــى لين يبست لهاتي

يامصعب الفرقا على ســــالم الزّير
فرقاً إتبكّي لعنتــــره والــــــــزّناتي

الله من نارٍ ســـــــــــــوات الدّوافير
شبّت بقلبـــــي قبل أكمّل وصاتي

ياكاظم إكتب من قريحك بســاطير
ذكرى اتجمّلنــي تليـــــــق برفاتي

حيثك فهيم(ن) يازعيم المشــاهير
بنظم الجواهــــــر ياعريب الصّفاتي

بقلمي :منديل نواف المغامس