دارميات منك دارمي ومني دارمي!

[ملكة الاحساس]

دارميات منك دارمي ومني دارمي!

هذه الدارميات هدية مني اليكم ياعراق الخير


واحب احيي هذا الموقع الرائع


واتمنى تشاركوني ولو بدارمي واحد يومية


وكل عام وانتو بخير



شدني اني بالكلفات اصبحلك احزام ** بس كونك عله بليس موش اعله لاسلام


اجروحك البروح مو مية اكثر ** والكلب من طاريك طاح وتعثر


بالحسجة ياهالناس مشهودة لينا** مارايد اني هواي ردهن علينا


كل بيت اردابيت هم يمكن اكثر ** انتا ويبيتك غاد روح وتكتر


شنهي المعزه الحيل سولفها ليا ** وحجيلي شنهي عليك شنهي العليا


انت العليك هواي ماحاسب الهن ** بس الثكال اثنين خوي ابحملهن


ضل كلبي حيل ايصيح لاتدني يمة ** جي بي جرح مفتوح محد يلمة


ناذرلك انا الروح مو منها وصلة!! ** تساويني بالبذات والناكر اصله؟؟


مرخوصة الك هالروح وعيوني الاثنين ** ضليت الك مطلوب شلون اوفي هالدين


عالراس اشيلك دوم بس جاوب بيت ** حيل اني جيت وياك لتكلي ماجيت

المصدر: منتديات عراق الخير والمحبة - من قسم: منتدى الشعر الشعبي

[ام هبه]

[align=center]هلا ومرحبا بك اختي

وهاي دارميات لعيونك

هاك استكانة جاي أشرب عوافــي
أو دزيته لك مخصوص يامايه صافي


رش الدرب تيــزاب حافي أعتـني لـك
جا شـلي بالرجليـن الما تجي لــــك

لو ترش مو تيــزاب لو تزرع ألغــام
اللحم خلـه إيروح أوصلـــك إعظـام

كل ما يجي الليل أذكر وفــــاكم
واذكر محاشي الطيب وابجي أبرهاكم


ويا النجم سهران وايدي أعلى خــدي
الليل أوظلام الليل شو كلها ضـــدي


وحدي ابنص الليل بس حيرتي أوياي
أبجي أعلى وقت الراح واتنطر الجاي


إشما تقول الناس عندي أنته لول
سو كلشي بالدلال يالحلو مخـول


يالتون تالي الليل سمعني حسك
لولا القلت والقال لعبر وونسك


شحجي وتريد الناس من عندي أحجـي
دمعتي إبطرف العين بس أحجي أبجـي

للخوه ماقضيت شي ماقضيته
حتى الصخر ياناس وتوسديته


انت العطش والماي وانت المشوفـه
ورسمش وحق عيناش بالكاس اشوفه

أرد انشدك وارجوك صارحني ياهواي
تذكرني لوغصيت من تشرب المــاي

نارك يخايب ماي مومثل نـــاري
اومن يطري بيا الشوق يحترق جاري

هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون

بالك تقول الاه ياخويا بـــالك
كل التقوله ايصير روحي ابدالك

مبخوت أضل للشيب يافلان أذكـرك
أوينكرني نور العين من كون أنكرك

سبحانه من سـواك نص وجهك إعيــون
إزغيــر سبيــت الناس من تكبر شلون

بيدي أوقرضها الفار فجت عباتي
كل هذا ماطخيت وامشي ابرهاتي

أتمنى كون أيصير لحدي أويا لحدك
أو من يطلع الدفان أقعد وقعـــدك

بيدك ضيعت ديك الليـــالي
وبلحظه ما أجى أبعينك دلالي

شقيت ثوبي أعليك وصلته للنــص
جاوين قلبك أوياي صاير مثل جص
[/align]

[عامر العمار]

اعتقد الدارمي ىالاخير قد خرج عن العروض حيث اعتقد ان يكون جا وين كلبك وين صاير مثل جص

[الارشيف]

[align=center]تحلا الكعده وياااااااك وتحلا الجكاره

مايهمك الشخاط من كلبي ناره[/align]

[ثريا]

[align=center]
انشدني عالحال حالي أعلى حـــــاله
سمجه أوشحيح الماي وبظهري فاله

حسـره إلك بالدلال ظـلـت لما أمـــــــــــــوت
ماتدري حقها الناس إصوابي بسكـــــــــــوت

اتعمن والعباس بسجن يالعيون
ابجن وهما هناه لوشالو اشلون



ياربي سترك رفت العين
واحبابي مو يمي بعيدين

كـلبي أرد أكـصه إبموس وأكوي إبمكانه
علمني إعله درووب كلهن مهـــــــــــانه

كلبي أرد أكـصه إبموس وبفاس أكطعه
خلصها بالسختــات مالحك ربعــــــــــه

القلب قال أحاه ! قتله وجعــــــــــتين
منهو الاجى أوعزاك من طقك البين



يالردت عني اتروح خليلي صبرين
واحد يصبر الروح والثاني للعـــين

شامت وكًًف عل الباب حاير شـــــكًًـلـه
أرتجي إعله المكســــور لو دمعي إهله

إرتجي إعله المكسـور حيل إردس الكًًاع
بالك تذل جدام شماتك إبســــــــــــــــــاع

اقعد ابتالي الليل وادعي ابصلاتي
ياربي بعد افلان شلي ابحيــــــاتي


ارد انصحك يافلان هذي النصيحه
عوف اتلف وادور حب الصريحه


احمل وفى والطيب والرقه كلــــــها
أوكل مشكله ابهالكون بس يمه حلها


ريته اليطيح ابضيج كون اخوه وياه
اوكل مايقول احاه كلها اتلــــــــــقاه


[/align]

[كاظم المسعودي]

اقعد ابتالي الليل وادعي ابصلاتي
ياربي بعد افلان شلي ابحيــــــاتي


اكعد بتالي الليل والهج باسمك

ياربي بعد ايام شلون اشــمـــك

[العامري]

اشلونك اشلون الدار اشلون الدجاجات هم منهن تذبحون للعدكم يبات

للعدنه ايبات نذبح سبع وجعات ولونه شيخ ازبيد انطكله بيضات

[الارشيف]

هههههههههههههههههههههههههههههههه

هههههههههههههههههههههههههههههههههههه

مع جل احترامنا للمشايخ

شـكــ وبارك الله فيك ـــرا لك ... لك مني أجمل تحية .

[الارشيف]

طولج بحر بالريح من يهتز يموج
والصدر منبع ماي وشفافج الروح




امديرم ومريت جن دمي بشفــــــــاك
كصدك تهيج الشوك لو تحرك اهواك



وجهج صباح الخير لو شافته العين
حتى بصباخ الكاع تطلع بــــساتين



وجهج بشارت عيد والاحلى ملكاج
وريت العمر عمرين من يكضي وياج



خدودج حدائق شوك وعيونج بحور
والعسل فوك اشفاج وانفاسج عطور



خدك يحلو الطول احلى من الورود
وبيها فضل عالناس لا يبقى لدود




بشعرج يبعد الروح خليني ماشه
شوفج لون تدرين تروي العطاشه




لف الشعر سوباط وكذله عنكود
واسلب الرواح الناس بعيونك السود

[خلودي البغدادي]

اريد انشد اليمشون احبابي وعداي ليش اليريد يموت بس يطلب الماي

لجلك اصيرن باب ينفتح لو جيت ولو من صدك مريت كلي انكلب باب

هاك القل والروح وهم هاك العيون واخذ العقل وخليني مجنون




ملكة الاحساس حياتي الج موضوع جدا حلو