بيّه كلمة مستحه ابثگل الجبال
مثل اخرس يستحي ايرد السلام
بيّه نظرة طير مكسور الجناح
ياكل ابروحه اذا شاف الحمام
بيّه كلمة ليش بشفايف يتيم
راد يحچيها و تلعثم بالكلام
بيّه دمع اعتاب بس موتي قريب
حرّه متهومه ابشرفها و ما تنام
بيّه ونّة والده بين القبور
الولد راحوا ولاعدها عمام
اجدامي كلهن طين والشامت يشوف
وانه صاعدلي جبل والسچّه جام
المصدر: منتديات عراق الخير والمحبة - من قسم: منتدى الشعر الشعبي
المفضلات