زهيريات متنوعة ادعوكم للمشاركه

[ام هبه]

زهيريات متنوعة ادعوكم للمشاركه

مالوم انه الدهر لو جرد سكاكينه
والهم يهواك ما ونت سكاكينه
محمل غرامي شله وانحطت سكاكينه
وبقيت محتار محد نظر بي عظ
والنصح ماجاب كلب الميتم وعظ
اصبحت ملجوم واصفك بجفي واعظ
مثل الجمل لو طاح كثرت سكاكينه؟

يا صاح وصلك بعدك فرح ما يلي
تعال شوف واستمع واحكم على ما يلي
الحزن عندي عدل بس البخت ما يلي
البخت ماينعدل بالدنيا لا بأخرة
وهموم كلبي جذب ماتشيلهن باخرة
الدرب الجنت بأوله وهسه صرت بأخرة
والناس صادت سمج وانه الصفه ماي الي؟

تيهت دربي وتهت لمن شفت شامتك
ظل يمي لا تبتعد يفرح ولك شامتك
شامات بالخد شفت بس بالصدر شامه تك
صورك رب العرش وبيك الحسن دكه لك
سواك مثل الكمر وبالحنج دكه لك
ومن ايدك كلبي اعتقد دكه لي ودكه لك
يل بيك عطر الورد شكد طيبة لك ياشامتك؟

ما ارد حبيبي الك صدكني هذا وعد
ولاتكلي شنهو السبب احسب اجروحي وعد
ولاتعتذرلي بعد ولاتكلي ارجع وعد
ولا تخابرني ابد ومعزتك ما ارد
جرحتني لمن جنت بأيدك جني مارد
كلبي يدك بحبك وانت الي بيه مارد
ما ارد حبيبي الك صدكني هذا وعد؟

كتله احبك انه وسمعته كلمة غزل
من كلبي ملبس الك اغزل بنبضتي غزل
بس دار وجهه ومشه وماهمه كلبي الغزل
ثاريه ابيض يحب يكره شخص اسمر
مو صوجي كلته الشمس من الجلد اسمر
ماعوفه بيه طبع يشبه طبع اسمر
من جان فاقد غزل والزمن رجع غزل؟

مسدود باب الفرح بس انه اظل فاتحه
ومن مات عندي الصبر بيدي انصبت فاتحه
والي كلامه عوج انته بعد فاتحه
تدري بكلامي عدل مادورت لو فات
وميهمني كسر الضلع بين الكلب لو فات
جنت اني انسعد يمي الحلو لو فات
شو هسه لمن يمر يقرأ علي فاتحه؟

انزفت بالافراح زفت عرس زفتها
وروحي من الهموم بالحسن طور زفتها
دروب عني الزمان بظيم زفتها
وياحيف درب الفرح عن الوكت سدوه
وكلبي بالهم غرك ما فاد بي سدوه
يومين شفتها معاه وكاعده بسدو
تمنيت ميت كبل لا اشوف زفتها؟

وننتظر انكم تشاركونا

المصدر: منتديات عراق الخير والمحبة - من قسم: منتدى الشعر الشعبي

[خولة]

[align=center]الله الله يا ام هبه وراح تكون لي عوده لاكتب زهيري هنا معكي [/align]

[حنان العالم]

[align=center]متعود على أحبابي وراهم

مابيه حيل أمشي وراهم

لون ادري العشك هيجي وراهم

ابد ما حب ولا امر بالاذيه



طمني عساك ابخير يالغالي وسلامه

واجمل تحيه الكلب يبعثلك وسلامه

نموت احنه وتعيش انته ابسلامة

ونضحي برواحنه الك هديه .[/align]

[خلودي البغدادي]

حلو وربي عاشت الايادي ام هباوي

[ام هبه]

شكرا لكل من ساهم معنا

وين مشاركات الباقي

بانتظار زهيريات منكم او منقولة

شـكــ وبارك الله فيك ـــرا لك ... لك مني أجمل تحية .

[جنات الاردن]

ما الوم لو قلبي في هواك نشال الوم القلب من شال ونينه .. قلبك ينبض بقلبي من قبل الاجياال وطلح قلبي من هوااك يا زينه بكت عليه كل من شال ونته من قلب ماله وينينه حبي قاتل بكل العمال وحالي من صعب المنال ونينه روحي تعذب بكل الحوال من حبك اني ماشفت غير انينه بات بي الحال محال موتي اقرب للهوه من كسر القفال بالي بحبك يرتاح ونينه

[ابو حيدر]

رووووووووووووووعة اخت جنات شـكــ وبارك الله فيك ـــرا لك ... لك مني أجمل تحية .

[كادي الربيع]

كتله احبك انه وسمعته كلمة غزل
من كلبي ملبس الك اغزل بنبضتي غزل
بس دار وجهه ومشه وماهمه كلبي الغزل
ثاريه ابيض يحب يكره شخص اسمر
مو صوجي كلته الشمس من الجلد اسمر
ماعوفه بيه طبع يشبه طبع اسمر
من جان فاقد غزل والزمن رجع غزل؟



رووووووعة

[ثريا]

يا ساكن رويحتي هاك استمع مايلي
وحدك عشت بالقلب وغيرك ابد ماالي
عطشان من شوفتك يل شوفتك مايلي
والشبع من شوفتك طول عمرة يمشي عدل
وياك ما اخلفت صدكني ماشي عدل
لايرضى قاضي شرع لايرضى قاضي عدل
للناس تحكم عدل وحكمك علي مايلي

[ثريا]

نظرلي نظرة غضب وترفع علي حاجبك
بالله اريد اسألك عني منو الحاجبك
وياك انزف وفا مو طمع او حاجه بك
وصدگني اني اعتبر حُبك اليه مُلك
تلعب عليه لعب ما يوم گلبي مَلك
وانت بجمالك صرت فوگ الخلايگ ملك
ومادام صرت الملك خلني اشتغل حاجبك