علامات "إكس" حمراء غطت عشرات من صور الإعلامى الساخر باسم يوسف رفعها متظاهرون يهتفون "يا باسم يا جبان يا عميل الأمريكان".. ذلك المشهد استوقف "عبد الرحمن محمد" الرجل الصعيدى الخمسينى الذى جاء من محافظته لقضاء مصلحة فى القاهرة.

"عبد الرحمن" اقترب من جموع المتظاهرين أمام دار القضاء العالى، وسألهم عن هوية صاحب الصورة "مين اللى رافعين صورته ده؟"، فجاء الجواب من أحد المتظاهرين "ده مذيع بيقدم برنامج البرنامج".

لم يفهم عبد الرحمن شيئا وهرش فى عمته لثوان قبل أن يعاود السؤال من جديد، "يعنى عمل إيه أخينا ده؟"، فتبرع آخر بالرد "ده بيشتم الجيش يا حاج يرضيك يشتم جيش بلدنا؟"، وفى هذه اللحظة نفر العرق الصعيدى عنده ودخل دائرة "الهتيفة" يشاركهم الهتافات بانفعال بعد أن أخذ صورة شبيهه بالتى يحملونها.

عبد الرحمن قال لـ"اليوم السابع"، "أنا جيت أقضى مصلحة فى مصر ولقيت الناس بتتظاهر وعرفت أن المذيع ده بيشتم الجيش وإحنا بنحب الجيش وبنشتم اللى يشتمه عشان كده شاركت فى المظاهرة."

الرجل الخمسينى لم يشاهد "البرنامج" من قبل ولم يعرف ما السباب - المزعوم – الذى وجهه باسم يوسف الذى سمع اسمه للمرة الأولى خلال المظاهرة لكن ما سمعه كان كافيا لأن يهتف بحماس مرددا مع الجموع" يا باسم يا جبان يا عميل الأمريكان" ويلقى بصورته على الأرض ويدوس عليها بقدميه ويرقص فوقها! مبرر ذلك بقوله، "مادام بيشتم فى الجيش يبقى يستحق اشتمه وأبهدله كمان".



عبد الرحمن "الصعيدى" بيحب يجامل.. ما يعرفش باسم يوسف لكن بيشتمه "زى الناس" 1.jpg

عبد الرحمن "الصعيدى" بيحب يجامل.. ما يعرفش باسم يوسف لكن بيشتمه "زى الناس" 2.jpg

عبد الرحمن "الصعيدى" بيحب يجامل.. ما يعرفش باسم يوسف لكن بيشتمه "زى الناس" 3.jpg

عبد الرحمن "الصعيدى" بيحب يجامل.. ما يعرفش باسم يوسف لكن بيشتمه "زى الناس" 4.jpg



أكثر...