تجار: حالنا وقف بسبب ضعف البيع والفواكه أصبحت من الرفاهيات

[هاشم الطرفي]

تجار: حالنا وقف بسبب ضعف البيع والفواكه أصبحت من الرفاهيات

ارتباك كبير يشهده السوق المصرى فى الآونة الأخيرة، من ارتفاع وانخفاض ملحوظ فى أسعار بعض السلع الأساسية مثل الخضروات والفواكه واللحوم والألبان، وعدم استقرار مؤشرات الأسعار ولو بشكل نسبى، مما أدى بدوره إلى إثارة التوتر والخوف لدى المستهلك محدود الدخل، وشيوع حالة من الاضطراب فى حركة البيع والشراء.

وعلى هذا النحو يقول "صلاح محروس"، أحد تجار الخضروات بسوق مسلمة، "أسعار الخضار مش ثابتة نهائى كل يوم بسعر، أنا عن نفسى بقيت بغير الورقة اللى مكتوب عليها سعر كل نوع بشكل مستمر، بعد ما كنت زمان ممكن مغيرهاش شهر كامل".

ويتابع، "فمثلا البطاطس كانت بجنيه ونص بقت بـ6 جنيهات، حتى البصل كان بـ2 جنيه ودلوقتى وصل لـ4 جنيهات".

بينما يقول "محمد قنديل"، أحد تجار الفواكه بالسوق، "معظم أسعار الفواكه السنة دى غالية جدا، وده السبب فى وقف حالنا كتجار للفواكه، لأن الزباين بدأت تبعد عن الفاكهة تماما بسبب ارتفاع سعرها على اعتبارها من السلع الترفيهية اللى ممكن يستغنوا عنها".

ويضيف، "حتى الفواكه اللى معروفة برخص أسعارها زى الموز والتين والعنب وصلوا لـ7 و8 جنيهات، يعنى الزبون لو هييجى يجيب 2 كيلو من كل نوع هيعدى الخمسين جنيه، علشان كده بيقصر ويعتبرها ترفيهية من الأول".

أما بالنسبة للحوم، فيقول إبراهيم عواد، أحد الجزارين فى سوق مسلمة للحمة، بقيت بـ75 جنيها.. يعنى أنا عن نفسى لو زبون مش هعتب باب المحل بتاعى، بعد ما كانت بـ60 أو 65 بالكتير وصلت لـ75، يعنى الواحد لو راح باع فول هيكسب أكتر".

تقول "نوال عادل"، إحدى المشتريات، "البطاطس بـ7 جنيه واللحمة بـ75 والفقير مقدمهوش غير العيش الحاف، لأن حتى مفيش أنابيب يسخن عليها فول، ده لو مغليش هو كمان".

أكثر...

المصدر: منتديات عراق الخير والمحبة - من قسم: منتدى أستراحة الأعضاء