السلام عليكم ورحمة الله وبركاته



قالوا عنا شباب خايب بيعمل مصايب
جيل سيس قاعد علي الشات والفيس
مــع إننا رجالة ودماغنا دايما شغالة
منرضاش بالـظلم والإتكالة إسـتحالة
فنــديتــنا مصــــر أمــنا وقــلت لـــنا
أنـا أم الشموخ والعــــزة والـــكرامة
أم الــنـــخــوة والشـــهــامة
حرروني من الفساد والظلم والأستعباد
يـــا ولاد ده أنـــا أم البــــلاد !
هانت عليكوا أمكو خدوني في حضنكوا
قلنا عشانك نفديكي بدمنا ولو راح عمرنا
معلشي غابت شمسنا بكره يجي النهار ونحقق فيه حلمنا
إنتــــي فــــاكره هينـــفد صـــبرنا لا والله
إحنا وراكي كلنا ده إنتي يا مصر ستنا
همــــا شبــــاب تــونـــس أجــدع مـــننا ؟
فدعينا لثورة شبابية بكل الأطياف المصرية
وقلــــنا ثــــــورة حــرية ســلمــية ســلمية
ولينا مطالب مشروعة الشعب عــاوز حرية
رحيل فساد ومحاكمة كل الحرامية إلي سرقوا ثروة مصر القومية
وكانت ثورة ملــيونية من أســوان للإسكندرية
وقالوا في القنوات المصرية والجرايد النظامية
دول حــــــوالي مــــية بيكـــلوا كنتـــــــاكـــي
وإحـــــنا بنــــاكل جبــــــنة وطعــــــمــــية
وقالو شباب الميدان ده عدو جبان وعنده أجندات خارجية
وطلـــــع عــــلينــــا الأمـــــن بــــقنابل والـــرصاص
وبأيــــدهم وبالعـــــصيان ضــــــــــربونا
وســــــقط كتير مننــا بين شهيد وجريح
مـــاتوا عشان نعيش كلنا وليهم حق عندنا
وقعدنا ننادي ونقول دي ثــورة شعـــبية ســـلمية
فردوا علينا بالبلطجية بالسكاكين والخيول والجمال
زي ما تــــــــكون مـــــــعركة حــــــــربــــية
فاتت عليـــــها ســـــنين ورجــــعنا للـــبدائـية
وإختفي بعـــدها كل الأمن من الشـــــــــوارع
وهرب المســـــاجين بأمر الداخلية والكل بايع
وهاجم البـــــلطجية أهلنا في البيوت وســــرقوا ونهــبوا مـــــــصرنا
فعملنا لجان مقاومة شعبية بتحمي أبويا وامي وأهلنا وكانو دهــرنا
وكانوا في حراسه ليل نهار .. وكانت ملحمة مصرية مسلمة ومسيحية
مـــــــن غيــــر ســـــلاح ولا أمـــــــن دولة
وكلاب مسعورة تعضنا وسجن من غير حكم ولا مــــــداولة
وإحــــنا شعب اتـــــخدعنا بالضحـــكة علـــي الوش بتترسم
من قلب مليان شر وغدر وخيانة ونفوس جبانة لدم عطشانة
أه علي غدر ابن بلدي لما باع البلد قبل القسم وطلعت الشرطة اسم
عشــــان رئيــــس ظـــــالم نشر الفســــــــاد وذل العـــــــباد
شــــعـــب 30 سنه ضـــــاق المـــــرار والذل والانــــــكسار
إطلــــــــع وقـــــول شبــعنا كلام معسول
إنــــت ضـــــيعتنا وســـرقت منا عمرنا
لا مــــــــش هنــــتــــخدع مـن جــــــديد
إنتــــــهي يــا مبــــــارك عـــــهد الـعبـيد
قـــــلت إن إحــنا مـــواردنا مــحدودة طلــــعت ثــــرواتك مــمدودة
بالدولار وكمان 80 مليار وسايب شعبك في جوع وجهل وحـرمان
ارحـــل أنـــــت وكــــــل الفاســــدين خـــــلينا نعــــيش أحــــــــــرار
ده دم المــــصريين غـــالي علـــــينا أنت فرطت فيه وإحنا اولي بيه
والشـــــعب والجــــــيش إيــــد وحده مــــالكوش مكــــان وســـطـنا
ثورتنا نجحت بعزمنا وقوة حقنا ويوم 25 يناير إتولد الأمل تاني في قلبنا
ويارب مــــصر ستـــــنا تــــــكون رضـــــيتي عــــننا يــلا نفـــرح كـــــــــلنا