طريقة عمل الكرواسان
المكونات :
كيلو دقيق – 15 ج خميرة ( م ك )
– 10 ج محسن مخبوزات ( 1/2 م )
– 80 ج سكر ( 1/4 كوب )
– 50 ج لبن بودرة ( 1/4 كوب )
– 50 ج ذبدة ( 1/4 كوب )
– 530 ج ماء مثلج ( 2 و 1/2 كوب )
– 20 ج ملح ( م ص )
– 500 ج بلوك ذبدة
جبنة اسطمبولى – زعتر – اصابع شيكولاتة
الطريقة :
اضع الدقيق والخميرة في العجانة ونخلطهم على سرعة بطيئة لمدة 3 دقائق + اللبن البودرة + المحسن + السكر
ثم نبدأ في اضافة الماء واحدة واحدة ونضع الزبدة قطعة قطعة صغيرة
لحد ما العجينة تتلم وتسيب جدار الخلاط ثم اضع اخر حاجة الملح مع تعلية السرعة لمدة 4 دقائق اشيلها من الخلاط واغطيها ببلاستيك واتركها في مكان دافىء لمدة عشر دقايق
ارش دقيق وابدء ابطط العجينة بايدى وافردها بالنشابة بالطول والعرض واضع بلوك زبدة في منتصف العجينة (تكون طرية)ثم اقفل العجينة من الجانبين اللي بالطول ثم اقفل من الجانبين اللي بالعرض
(ملاحظة ضرورية/ لازم تشيلى بالفرشاة اي دقيق موجود على العجينة تماما قبل ما تقفليها )
اضع العجينة فى بلاستيك وادخلها التلاجة لمدة ساعتين وبعدين نطلعها ونكرر العملية
ارش دقيق وابدأ ابطط العجينة بايدى وافردها بالنشابة بالطول والعرض ثم اقفل العجينة من الجانبين اللي بالطول ثم اقفل من الجانبين اللي بالعرض 4مرات بنفس الطريقة وفي المرة الخامسة
نبدأ خلاص في تشكيل العجينة ونفردها ونقطعها مثلثات ونبرم كل مثلث او نضع الحشو على الطرف ونبرمها
وممكن وضع شوية زعتر على الوش او نقطعها مربعات ونلف كل طرف على هيئة مروحة ونضع فى النص باسترى او نقطعها مستطيل ونلفه
علشان تطلع دانش او نضع على طرف كل مربع صباع من الشيكولاتة ونلف لفه ثم نضع صباع شيكولاتة تاني ونلفها كلها ونتركهم يخمروا لمدة نص ساعة ونخبزهم على 190 د لمدة 25 دقيقة
☺ طريقة عمل الكرواسان ☺
رد مع اقتباس
المفضلات