مش لازم تروح حديقة الحيوان علشان تشوف نعام.. روح "فيصل" هتشوفه وتاكله

[زينب]

مش لازم تروح حديقة الحيوان علشان تشوف نعام.. روح "فيصل" هتشوفه وتاكله

منظر لم يعتاد الناس على رؤيته فى الشوارع العادية، يمر بجواره سكان المنطقة دون أن يلفت أنظارهم لاعتيادهم عليه، فيما يجذب معه أنظار الآخرين ممن جلبتهم أقدامهم للعبور من هذا الشارع ليجذب أنظارهم ذلك السور الحديدى الذى يعلو عن الأرض بحوالى مترين وقد استقرت بداخله "نعامتين".

ومن أمام محل الطيور الذى يمتلك "النعامات"، يعبر المارة يوميا يشاهدون هذا المنظر الذى قد لا يشاهده أحد إلا داخل حديقة الحيوانات، فالسور أو الحظيرة التى توجد داخلها النعامات توجد بها أيضا عدد آخر من الطيور الصغيرة الأخرى، يلاصقها صور آخر توجد به بعض الماعز بالإضافة إلى بعض العجول الصغيرة.

"النعام ده مش علشان الناس تتفرج عليه أحنا بنجيبه علشان ندبحه".. بهذه الكلمات تحدث "أحمد طارق"، ابن صاحب المحل، لـ"اليوم السابع"، مشيرا إلى أنهم معرفون بذبح النعام منذ أكثر من خمسة سنوات مضت، "أحنا الوحيدين هنا فى المنطقة كلها اللى بندبح نعام، وبتجيلنا ليها زباين من كل حتة من مصر الجديدة ومن حلوان ومن مدينة نصر ومن الهرم، دا غير إن فى ناس من محافظات تانية بتيجى تاخد من عندنا بالرغم من أن تمنه غالى بيوصل الكيلو بتاعه لـ80 جنيه، وخصوصا إننا بنشترى النعامة الصغيرة بـ1000 جنيه، وبيضة النعامة بتوصل لـ500 جنيه، والنعامة مبتطلعشى إلا حوالى 35 كيلو".

عم "طارق عبدالله"، أحد العاملين بالمحل، وهو المسئول عن تغذية النعامات يتحدث متفاخرا، "أنا اللى بأكلهم كل يوم بجيبلهم خس وبيض مسلوق، أول ما بنجيب نعامة صغيرة من المزارع اللى بنتعامل معاها بفضل أتابع أكلها وأرعاها لحد ما تكبر وتوزن، بعد كده بنبتدى نحجز للزباين اللى عاوزينه لأننا مش بندبح غير لما بنكمل طلبية كاملة لوزن النعامة".

أكثر...

المصدر: منتديات عراق الخير والمحبة - من قسم: منتدى أستراحة الأعضاء