"فاكرين 25 يناير.. أول هتاف سمعناه وأول مظاهرة عدت تحت بيتكم؟.. فاكرين أول شاب وقف قدام مدرعة والناس فى البلكونات بتصرخ "جدع.. جدع".. فاكرين أول مصاب ودمه اللى سال، طيب فاكرين أول شهيد؟.. طيب فاكرين عيش حرية عدالة اجتماعية".. هكذا انطلقت دعوة شبابية عبر مواقع التواصل الاجتماعى "فيسبوك" و"تويتر" لاستحضار ذكريات ثورة 25 يناير قبل 3 أعوام من الآن، وتبادلوا أبرز الذكريات التى عاشوها خلال الـ18 يومًا التى سبقت تنحى الرئيس الأسبق "حسنى مبارك".

ويتذكر عمرو عز (30 عامًا) "زى النهاردة من 3 سنين كنت بايت عند أحد أصدقائى علشان ماينفعش أبات فى البيت خوفًا من الاعتقال، وماعرفتش أنام وفضلت ألعب بلاى ستيشن طول الليل، وأول ما النهار طلع سبته ونزلت، ورحت شارع ناهيا علشان أشوف النظام هناك إيه وأتابع تحرك المجموعات وتجميعها"، بينما يقول محمد العراقى "بفتكر منظر المظاهرة وهى داخلة سيدى جابر وبنات ماشيين بعلب بسكويت يوزعوا على الناس، وشباب ماسكين أكياس فيها مياه معدنية بيوزعوا على الناس، وراجل كبير ماسك يافطة وعايز حقه فى بلده".

فيما كتبت كريمة الديب، "خلال 3 أيام اتحولت لمحللة سياسية، مع إنى قبل الثورة ولا كان ليا فيها من الأساس وماكنتش أعرف حاجة"، وقال "يوسف زهدى": "زى النهاردة من 3 سنين كانت أول مرة أنزل مظاهرة فى حياتى أو أعبر عن رأى بحرية فى الشارع"، وذكر "محمد أحمد" بموقف الإخوان فكتب "زى النهاردة من 3 سنين الإخوان أعلنوا أنهم مش هيشاركوا فى مظاهرات 25 يناير ".

كما تبادل الشباب أشهر الصور المرتبطة بالثورة، وصورهم التذكارية فى مختلف ميادين مصر، فضلاً عن صور التصميمات التى دعت الناس للمشاركة فى الثورة.

الشباب يحتفل بـ"25 يناير" بتبادل ذكرياتهم عن الثورة وهتافاتها 1.jpg

الشباب يحتفل بـ"25 يناير" بتبادل ذكرياتهم عن الثورة وهتافاتها 2.jpg

الشباب يحتفل بـ"25 يناير" بتبادل ذكرياتهم عن الثورة وهتافاتها 3.jpg

الشباب يحتفل بـ"25 يناير" بتبادل ذكرياتهم عن الثورة وهتافاتها 4.jpg

لمزيد من أخبار المنوعات..

أفضل طريقة للتخلص من رائحة فضلات الحيوانات المنزلية

دراسة: الأطباء ينفقون ثلث وقت الكشف على مرضاهم فى تصفح الإنترنت

بالصور.. "ملامح من مصر" معرض لوجه مصر المشرق من "صناع الحياة"



أكثر...