يالله يامجري تصاريف الأفلاك
‎يارب يامحيي الديار المحيله
أنت الكريم وكل خلقك ترجاك
‎نطلبك جودك يامنجي دخيله
يافارج الشدات بالضيق ننصاك
‎عليك تخفيف الحمول الثقيله
ماخاب مخلوق لجا لك وناداك
‎من لا رحمته ياالولي عزتيله
ياالعبد لاتشكي علي غير مولاك
‎مايجدي المخلوق لو تشتكي له
لو تشتكي للعبد ماثاب شكواك
‎ماله على حل المصاعب وسيله
لاصار ماتقضي لزومك بيمناك
‎مقسوم رزقك ماتحوشه أبحيله
لاتحتمل معروف هذا ولا ذاك
‎لو قل مالك والموارد قليله
لاشك نفسك عزها عن دناياك
‎والرزق خلاق الخلايق كفيله
ولا تلتهي بالمال والموت يقفاك
‎العمر يفنا بين يومن وليله
تسير بك سمر الليالي لمثواك
‎ومن طول المنزل لزومن رحيله
لابد من يومن عذاراك تنعاك
‎ولابد ما ينقال هيا نشيله
مافيه بالدنيا مواطن وملاك
‎كلن يسير وعابرن في سبيله
وكانك تحسب أنك مخلد بدنياك
‎فكر وناظر وين جدك وجيله
وأسمع كلام اللي على الخير وصاك
‎قوله يحثك للشرف والفضيله
يرشدك لدروب المكارم وينهاك
‎‏‎‎عن موقعن فيه الدنس والرذيله‎
وعن صحبة الهلباج واللاش حذراك
‎من صاحب الخايب يحطه زميله
قرين سو أبليس مغويه وأغواك
‎عميل شر ولا يربح عميله
عزاه لك من خوته كان خاواك
‎يرميك بدروب الردا وا