قرر أن يخرج من فكرة بيع بالونات القلوب من إطارها التقليدى فى عيد الحب والأعياد والمناسبات الرومانسية، إلى أسواق الموالد والتصوف فى لفتة من بائع البالونات حمدى صلاح، لأن الحب موجود فى كل وقت، وهنا فى ساحة سيدنا الحسين يكون حبا خالصا صافيا لآل بيت الرسول الكريم.

لذلك قرر النزول إلى مولد سيدنا الحسين، وبيع بلالين القلوب دون غيرها من أشكال البلالين الأخرى حبا فى "الحسين"، وتغييرا لبعض المعتقدات الخاطئة عن الحب.

يقول "حمدى" لـ"اليوم السابع": "أنا راجل بسيط رزقى على الله لا بسعى لمصلحة ولا بنافق أو أتجمل، علشان كده قررت أبعد تماما عن جو السياسة والتطبيل زى مابيقولوا، وأوهب نية صافية لله، وأبيع بلالين على شكل قلوب فى مولد الحسين، لأن الحب مش بس بين الحبيب وحبيته الحب ممكن يكون حب الله حب الرسول حب آل بيته".

متابعا: "وفعلا ناس كتير اشتريت منى واسترزقت السنة دى اكتر من كل سنة، لأن مفيش حد مش بيحب القلوب، الأطفال والكبار والشباب كل واحد منهم بيشتريها، حسب رغبته أو نيته، وأنا بيبعها برضوا فى يوم مفترج زى ده، حبا فى سيدنا محمد وآل بيته".



أكثر...