المصريون اكتسبوا مناعة ضد "الأمطار" ويعملون تحت أى ظروف

[ام هبه]

المصريون اكتسبوا مناعة ضد "الأمطار" ويعملون تحت أى ظروف

لم تعد الأمطار مصدر إزعاج للمصريين، إنما أصبحت من أتفه الأمور التى بإمكانها أن تؤرقهم أو تعكر صفوهم أو حتى تمثل عائقًا بالنسبة لتسيير أعمالهم وأمورهم، فبعد سلسلة الأحداث التى مرت بها مصر فى الفترة الأخيرة، اكتسب المصريون مناعة تساعدهم على مزاولة أعمالهم تحت أى ظروف.

"إحنا خلاص مبقيناش نتأثر بأى حاجة حتى المطرة زمان كان لها شنة ورنة دلوقتى بقت بتمر مرور الكرام" هكذا بدأ حديثه أحمد فياض العامل بإحدى الشركات بحى المهندسين قائلا: "أنا عن نفسى عندى مواعيد مقدرش أتاخر عليها فى الشغل علشان كده مضطر أمشى فى أى جو حر، برد، مطر مافيش مشكلة".

متابعا "صحيح زمان كان الواحد بيستنى لما المطرة تخلص وبعدين ينزل الشارع، لكن دلوقتى خلاص الواحد بينزل لو فى اشتباكات ولا مظاهرات مجتش على المطرة".

أما ليلى محمود فتعبر عن اعتيادها على جميع الكوارث الطبيعية قائلة "حتى لو مطرت ثلج إحنا مبقيناش يأثر فينا الكلام ده، إيه يعنى شوية مطرة تغرق الشارع عادى جدا لها حلول كتير ممكن نرفع هدومنا شوية علشان نتجنب الماية اللى على الأرض أو نمسك شمسية تحمينا من المطرة، بقى عندنا مشاكل أكبر كتير من شوية مطرة".

أكثر...

المصدر: منتديات عراق الخير والمحبة - من قسم: منتدى أستراحة الأعضاء