-
ملتقى الابوذية .. تعالوا معنا في ابوذية منكم
السلام عليكم ورحمة الله وبركاته
الموضوع خاص للابوذيه فقط
حبيت ان يكون هنا الملتقى لكل من يكتب الابوذيه
او كل من يرغب بالمشاركه وان كانت منقوله
وننتظر ابداعاتكم
*****
للوالده الحبيه
يمنه
گبل مثل الحمامه تحوم..يمنه
وگبل چانت اليّه الايد..يمنه
تحت جدمچ الجنه صدگ..يمنه
ورضّاتچ من رضا الباري عَليه
وناسف
احبك واعتذر منك ..وناسف
جمال ابروحك امغربل.. وناسف
احط ابروحي تي ان تي ..وناسف
وافجر روحي اذا ماتمر علية
وراوي
منهم ما ورد طارش ..وراوي
ابو خد الترف مايع ..وراوي
اريد اخذ رسم من وجهه..واراويه
واگل للناس هذا الفتك بيه
وحالك
منهو اللي خبط ماياك..وحالك
ومنهو اللى بگطع وصلّك..وحى لك
عجيبه وغيرت طبعك..وحالك
وصرت اسئل ولا تسئل عليه
ويامر
اليريد الحلو لابد.. ويامر
وحبيب الرووح يتدلل..ويامر
اصيرن نار من يبعد..ويامر
وأرد قالب ثلج لو رد اليه
ينراد
الصبر ايام هيچ اثگال..ينراد
واكلفك خبر البلدار..يلراد
موش انا اللي بوجهي الباب.. ينرد
انا الصبيت بيبانك بديه
وكت لك..
مضى وكتي وبعد عندي.. وكِت لك
ودمعي ماجرى لغيرك.. وكَت لك
اكتلني عالنفط صاير.. وكتلك
الزلم خمسين والنسوان ميه
وكتنه
ابد ميرحم الطايح وكتنه
جمعنه ورجع طشرنه وكتنه
اصيح على الفرح اوكف وك اتنه
تركني ومسمعني وشمت بيه
بسهام..
عيونك تصيب الگلب ..بسهام
يلي ابد ماشفت بهواك.. بسهام
انا طير المهاجر بالفضاء.. بسهام
اشوفك وانا تايه بالبريه
-
شـكــ وبارك الله فيك ـــرا لك ... لك مني أجمل تحية .
-
شـكــ وبارك الله فيك ـــرا لك ... لك مني أجمل تحية .
-
ابد مايوم من همك خليتان
وبعد خل ينتظر قلبي خليتان
اخبرك بالجسد ظلن خليتان
الك وحدة اوهبتهة لوحدة اليية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
على مودك عفت ربعي وناسي
وسدبحلوك شماتي وناسي
اذاعني غفل قلبك وناسي
انة بطروك كل صبح ومسية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل مغرم برت علته وناله
سعيد اللي حضه يشخصك وناله
الطارش من سمع نوحي وناله
ترك شغله وبجه رحمه عليه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بيدك فوضت نفسي تملك
والك منزل بدلالي تملك
وحقك لو ردت روحي تملك
اودك لو تراويني المنيه
؟؟؟؟؟؟؟؟؟؟؟؟؟؟؟؟؟؟؟؟؟
غيرج ماحلة بيميني و لا طاب
و لا دونج دخل كلبي و لا طاب
يا جرحي وياج لا هود ولا طاب
دم ينزف و لا تدرين بية
-
موفق بإذن الله ... لك مني أجمل تحية .
-
[align=center]
-----------
تعبت اهواي من الخلق والناس
وما شفت واحد خاطري وناس
وحق صورة علق بلقرآن والناس
ادور على المخلص للقضية
------------
احبك واعتذر منك ..وناسف
جمال ابروحك امغربل.. وناسف
احط ابروحي تي ان تي ..وناسف
وافجر روحي اذا ماتمر علية
..................................................
فخر عندي حب الارض بلقلب ساري
وعتبنه على النسه اصله ولبس ساري
المحبوبه من المرض تركت ترى ساري
وين الحب وايامه الوفيّه
------------
عشقت الريم والغزلان والماي
وردت ويّه السُمروالبيض ولماي
سهرت الليل ابكآبه وحزن ولماي
بسبب هجرانك اليّه
----------
[/align]
التعديل الأخير تم بواسطة منتظر المسعودي ; 09-02-2010 الساعة 05:37 AM
-
عاشق حبيبه ابوسط بستان وردة
وسهم العدا صوّب الدلال وردى
الهام بحب الوطن قلي منين ورده
يشرب كأس العز قبل المنية
-------------
عشقت النخل والسعف واليف والكربه
ونخيت ابو اليمه يزح من الوطن كربه
سالك
* البيه صبخ شفيد ياناس كربه
ما ينبت لو كربته الدهر كله
-----------
بينه الوفه لصّاحب يا ناس عاده
نكفله بيوم الضيج لو كل الخلق عاده
الحق الوراه ارجال يرجع ترا عاده
يعيده الوفي راعي الحميه
------------
افت احشاي للصاحب وجاري
وعلى الحق ما اساوم وجاري
خل يضل ينزف جرحي وجاري
واروى ابدمي ارضي الزكيه
------------------
ضرغام اليحمل هموم الناس والمه
ردت ويّه اهل المجد والزود ولمه
سيفك بيوم الكون عندالحرب ولمه
وقص ارقاب الما عدهم حميّه
-----------
حبيبي اهواك لو كل الخلق عادلي
والوفه و الطيب طبعي و عاده لي
محبوبي الكان غايب لفى وعادلي
وجمعنا بسرور رب البريه
------------
احبك لو اعادي الانس والجن
والك خدود مثل الشمس ولجن
آنه الك عاشق بالله عليك اجن
مجنون اصبحت ليلى العامريه
-
شـكــ وبارك الله فيك ـــرا لك ... لك مني أجمل تحية .
-
[align=center]
1_علي ثوب ألونين أشكثر(حالي)
شباب وهل شبت من دون(حالي )
أنشد على احوالك مثل(حالي)
طايح والهموم اتشيل بيه؟
...........
2 أحبابي شلون حلتكم(بعدنا)
شبدينا والزمن عنكم (بعدنا)
اذاأنتم نسيتونا احنا (بعدنا)
بذكركم كل صباح وكل مسية
.........
3بس مني التريده يصير(بالفور)
طفيلي وادري بيك تموت (بالفور)
يهودي ومن تواعد وعد (بالفور)
توصل للصدك تكلب عليه
..........
4أسهام المحب صابني(ولاحن)
كلبك من صخر صاير (ولاحن)
صرت مطرب وغنيلك (ولحن)
شماأغني ولك ضايج عليه
...........
5أنه جناح الحزن رفرف (من اسماي)
ويموت الموت لو يشرب (من أسماي)
أضن تختاض لو تعرف (من أسماي)
وخاف عليك لاتنصدم بيه
.......
6بعسر غير النوايب (فاتحتمن)
وسهم غدرك بكلبي(فاتحتمن)
كتلتني وجاي تنشد (فاتحتمن)
ولاجنك رحت جناز بيه
.........
. 7تمرضت وصعد مرضي (على أشفاي)
وطب لندن فلا يلحك(على أشفاي)
حبيبي من تحط شفتك (على شفاي)
أشفه وكل مرض ما يبقه بيه
.........
8بمتوني أجفاك صدك(خلعاها)
وروحي من رداها (خلعاها)
تره أفراكك بوجهي (خلعاها)
ألاعمى ألمايوجد صفن بيه
........
9مفارك وألليالي أسنين(مرن)
صايركل لذيذ الزاد (مرن)
طفر كلبي على ألنقال (مرن)
حسبت روحي وحياتي أتصل بيه
...........
10وحك ألي مله ألكونين ألاء
مثل عين ألغزال أعيون ألاء
أمد أيدي عليها تكول آه لا
كلشي ولاتمد أيدك عليه
..........
. 11حبك سره بنص أحشاي(دورة)
عزيز وألك بالشريان (دورة)
أذا شكيت هاك ألكلب (دورة)
أذا غيرك لكيت أعتب عليه
............
12حبيبي لاتشدراسك(سلامات)
وصلني خبر عن صحتك(سلامات)
ألف مكتوب أوديلك(سلامات)
مشافى وألمرض يندار أليه.
............
13عد عينك لشل ألجرح (وكفه)
وإلي وياك بالطيبات (وكفه)
تظن عنك أدير ألوجه(وكفه)
أخوك وخاطرك غالي عليه
............
14على كيفك حبيبي وياك (برضاك)
وعشرتي وياك موش بجبر(برضاك)
زرعت أرضك ورد خضرشوج (برضاك)
عبن ساسك رمل ورضك موأوليه
............
.15أبهجرك راح عكلي(مالفاني)
وجثير أشعارلجلك(مالفاني)
رحت أركض بهيمة (مالفاني)
أدور أعليك يل رحت من إيدية
.........
16. جرى دمعي على ألوجنات ياحيف
وعلى ألناس الماتقدر ألتعب ياحيف
أني ألجنت أخوف خفت ياحيف
ولذت بالجانوا يلوذون بيه
..........
شمالك ياضعن بهواي شتيت
أنا بناري وأهمن بيك شتيت
أذا أنت بقميص ألصيف شتيت
أنا مصلخ شتاك ألمر علية
..........
[/align]
-
[align=center]
شـكــ وبارك الله فيك ـــرا لك ... لك مني أجمل تحية .
[/align]
معلومات الموضوع
الأعضاء الذين يشاهدون هذا الموضوع
الذين يشاهدون الموضوع الآن: 1 (0 من الأعضاء و 1 زائر)
المواضيع المتشابهه
-
بواسطة ميس الريم في المنتدى منتدى الرأي والرأي الاخر
مشاركات: 0
آخر مشاركة: 06-04-2014, 12:52 AM
-
بواسطة علي الطائي في المنتدى منتدى الرأي والرأي الاخر
مشاركات: 0
آخر مشاركة: 03-11-2014, 11:40 PM
-
بواسطة ثريا في المنتدى منتدى الصور والرسوم
مشاركات: 24
آخر مشاركة: 12-14-2012, 02:29 PM
-
بواسطة النورس الجريح في المنتدى منتدى الشعر الشعبي
مشاركات: 3
آخر مشاركة: 08-06-2012, 01:45 AM
-
بواسطة شطلعت في المنتدى منتدى الشعر الشعبي
مشاركات: 5
آخر مشاركة: 12-31-2010, 10:49 PM
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
جميع آلمشآركآت آلمكتوبه تعبّر عن وجهة نظر صآحبهآ ,, ولا تعبّر بأي شكل من الاشكال عن وجهة نظر إدآرة آلمنتدى
المفضلات