بالصور.. حُلى المسلسلات التركية يقتحم سوق الإكسسوارات بمصر

[ام هبه]

بالصور.. حُلى المسلسلات التركية يقتحم سوق الإكسسوارات بمصر

خاتم هويام، سلسلة فريحة، حلق السلطانة الأم، دبلة الملك سليمان، الدراما التركية تعلن الحرب على سوق الإكسسوارات المصرية، فانتشرت فى الفترة الأخيرة الكثير من المحال والإكسسوارات المتخصصة فى بيع أحدث الموديلات التى يرتديها أبطال المسلسلات التركى، فدائما ما تبحث النساء المصريات عن الرومانسية حتى إذا كانت فى سلسلة.

"الحكاية فيها خاتم".. فلم تأتى هذه الظاهرة من فراغ فانتشرت بشكل كبير بسبب الخاتم الذى أعطاه السلطان سليمان إلى جاريته هويام فى الجزء الأول من مسلسل "حريم السلطان"، ومن هذا اليوم والنساء المصريات يبحثن عن الخاتم.

"تركيا استغلت حب الستات فى مصر للمسلسلات التركى والرومانسية ونزلت إكسسوارات لكل مسلسل وكان حريم السلطان هو البداية".. هكذا بدأ حديث "أشرف شيكولاتة"، أحد تجار الإكسسوارات، مفسرا قصة انتشار الإكسسوارات التركى فى الأسواق المصرية فى الفترة الأخيرة والإقبال الكبير عليها من الجنسين، "لإن الستات المصريات بتحب الرومانسية ودايما بتتمنى تعيش أجواء الرومانسية اللى بتشوفها فى المسلسلات التركى على أرض الواقع، فدايما بتلجأ لشراء الإكسسوارات والموديلات الخاصة ببطلات الدراما التركى، كنوع من تعويض نقص الرومانسية والعاطفة حتى لو من خلال سلسلة أو حتى حلق".

متابعا، "لكن المفاجأة إن نسبة الرجالة اللى بتشترى النوعيات دى من الإكسسوارات اكبر من الستات نفسها، لان الراجل بتقولك اشترى خاتم أو سلسلة واشترى دماغى معهم ،فبدل ما يضطر يخرج وورد وكلام حلو فا الإكسسوارات التركى بتقصر عليه المشوار وبتوفر مجهود الرومانسية الكبير اللى هو مش متعود عليه.

أما عن أكثر الموديلات انتشارات " طبعا خاتم هويام بيتصدر قائمة البيع لأنه اصل الحكاية وبداية ظاهرة الإكسسوارات التركى من الأساس، فمعظم الستات كانت بتحلم تلبس الخاتم اللى صممه السلطان سليمان بنفسه لجريته، ومن هنا بدأت الحكاية وبدأت الشركات التركية فى إصدار موديلات الإكسسوارات المختلفة لبطلات المسلسلات التركى اللى نجحت فى مصر زى فريحة وسلسلتها الفضية الشهيرة، ومجموعة الإكسسوارات اللى ظهرت فى مسلسلات العصور العثمانية.

أكثر...

المصدر: منتديات عراق الخير والمحبة - من قسم: منتدى أستراحة الأعضاء