"مستنى رمضان ليه؟".. هاشتاج يناقش سبب اشتياق الشباب لفرحة رمضان

[ام هبه]

"مستنى رمضان ليه؟".. هاشتاج يناقش سبب اشتياق الشباب لفرحة رمضان

تختلف الأسباب ولكن يتفق الجميع على أن لشهر رمضان المبارك طعم آخر يجعلهم يترقبونه من عام لآخر بفارغ الصبر، وهو ما دفع عدد من الشباب إلى إطلاق "هاشتاج" "مستنى رمضان عشان" الذى تبادلوا من خلاله أسبابهم لترقب الشهر الكريم، وهو الهاشتاج الذى تصدر قائمة الهاشتاجات الأكثر تداولاً على موقع تويتر فى مصر، أمس السبت.

اللمة، لعب الكورة بعد الفجر، التراويح، الكنافة، الدعوة الحلوة، شكل الشوارع وغيرها من أبرز الأسباب التى كررها الشباب الذين كتبوا "بستنى رمضان علشان أقول للعيال صايم ولا زى كل سنة، وورينى لسانك.. لأنه بيفكرنى بأحلى أيام طفولتى" "التراويح وصلاة الفجر فى الجامع"، "زيارة السيدة زينب اللى ما ينفعش يعدى رمضان من غير ما اروحها"، و"مستنيه علشان أنا واخواتى نتسابق مين هيختم القرآن الأول"، و"الراحة النفسية والإحساس برضا ربنا".

كتب الشباب أيضًا "مستنى رمضان عشان سحور الصحاب برة البيت، وزينة الشوارع والفوانيس وأجواء العشرة الأواخر" و"لأنه الشهر الوحيد اللى الناس بتحاول فيه تحترم بعضها"، و"مستنيه علشان أبدأ صفحة جديدة فى حياتى".

ولم تقتصر المشاركة فى "الهاشتاج" على المسلمين فحسب، فكتب أحد الشباب المسيحيين "مستنى رمضان علشان أعيد على صحابى المسلمين، واتعزم عندهم وسط اللمة"، و"علشان بيحسسنى إن مصر كلها نسيج واحد، مسلم ومسيحى كله واحد.. قدام الحلوانى كله بيشترى وهايص".

وبعيدًا عن الروحانيات والأسباب المعنوية كان للأكلات الرمضانية دور كبير فى انتظاره بشغف فكتب الشباب "مستنيه عشان الكنافة والقطايف والسمبوسة" و"علشان المكرونة بالبشاميل بيبقى ليها طعم تانى فى رمضان" و"الفول والزبادى بيبقى ليهم طعم خاص فى السحور".

أكثر...

المصدر: منتديات عراق الخير والمحبة - من قسم: منتدى أستراحة الأعضاء