فى الوقت الذى انتشر فيه، خبر وفاة الفنان حسين الإمام، كانت قناة cbc تعلن استضافة الراحل فى حلقة مسجلة، ببرنامج «صاحبة السعادة»، الذى تقدمه الفنانة إسعاد يونس، وخلال الحلقة، تحدث الفقيد عن عدة أشياء، واختتم الحلقة بأغنية جديدة لم تذع من قبل.

وقال «الإمام» قبل الغناء: «بهدى الأغنية دى لينا كلنا، وهى اسمها، (لو كل الناس قالت الحقيقة) ودى هاغنيها فى مسلسلى الجديد».

وبدأ «الإمام» الغناء قائلًا: «لو كل الناس قالت الحقيقة.. تولع فى الدنيا حريقة.. هاتلوث بيها البيئة.. اطفى الحريقة واقفل كل البيبان.. فى ناس لسه عايشة فى الماضى.. وماحدش فيهم فاضى.. حتى لو فاضى كان ممكن يعمل قاضى.. ما حتى القاضى عايز الحق يبان.. عيش لوحدك على جزيرة.. من غير سهير ولا سهيرة.. لو حتى فى جيبك عملة عيرة.. برضه يبقى ليها وجهان.. لو كل الناس قدرت تدارى مين فيهم يبقى شارى مين فيهم مش دريان.. لو كل الناس عرفت طريقة.. تقول بيها كلمة رقيقة.. تنجد بيها واحدة غريقة.. أو تنقذ واحد كان غرقان».

وكان «الإمام» وافته المنية مساء السبت، فى منزله عن عمر يناهز 63 عامًا بعد رحلة فنية مثمرة قدم خلالها الكثير من الأعمال.






أكثر...